Blanquer, Frantziako hezkunde minixtroaren legea tzüntzürrian trebes baratzen da herri ttipietako eskoletan. Sohüta, Urdiñarbe-Müsküldi, Idauze-Mendi, ala Gotaiñe-Irabarneko eskoletan besteak beste, guraso, haur, herritar, ala haütetsiak bildü dira argazki baten egiteko. Honen helbürüa delarik, Blanquer minixtroaren lege asmüaren salatzea. 2020etik goiti obratü nahi den lege hau bozkatürik balitz, CM1 eta CM2ko haurrak kolegiotera joan behar lüküe, eta herri ttipietako eskoleri odol hüste bat ekarri, zerratzeko mehatxüak argiki ütziz. Egin argazkiak, Max Brisson senatariari helaraziak izanen dira, senadoreak direlakoz lürraldeen haütetsi bezala kontsideratürik. Departamentüko aüzapezen elkarteko bürüari mezü bat helarazirik izan zaio, herri güzietan ber argazkian eginik izan ditin, salatze honi indar emaiteko gisan… Bestalde, Eüskal Alkargoako Xiberoko adarrak ere mugimentü hau süstengatzen dü… Entzünik izanen diren ala ez, geroak erranen…. Léonie Aguergaray :

Arrestiri hontan, alkarretaratze bat antolatürik zen Maulegaineko eskola aitzinean. 40bat jente bildürik zen 2 postü erdien galtzea salatzeko. Maulegainean euskara eta pekoan frantseseko erakasleen postüak dira mehatsatürik. etxekoen ordezkariak:

Xiberoko ikastolako bortak zabalik dira martxoaren 16an, hots neskenegün hontan. Goizanko 10etarik aitzina ikastola zer den, nola antolatürik den, haur/ andereño eta erakasleen aldetik nola igaiten den jakiteko, bortak zabaltürik dira nahi direner. Andereño edo errejentetaz gain ikasleelibaten etxekoak ere hor dirate galto oroer arrapostü emaiteko. Hitzordüa emanik Alozen Basabürüko ikastolarentako edo Sohütan Eperra ikastolarentako goizanko 10etarik oren bakotxeala. Karine Chimits andereñoa eta 2 etxekoekilan xehetarzünak:

Parada hortan, diska bat elki dü eta honen kantaldia atzo arrestitan proposatü da, parte hartü düen haur eta artistekin. Haurren "müsikaren egüna" zen, giro eder batetan eta sala bete bete batetan. Orai ikastolaren indartzeko kalitatezko diska horren saltzeko helbürüa izanen da Atarratzen eta Maulen aijaxka edireiten ahal da, eta prefosta seaskaren bidez ere Hanko giroan sartü nahi bazidee huna behazale, parte harzale eta haurren oharrak: