Zerbütxü püblikoetako hainbat langilek eüskara ikasten düe lan denboran. ‘Xede' taldeak deitzen dira horik eta 2013an abiatü ziren Xiberoan, 8 ikaslerekin. Aurten, 20 ikasle dira, 123 direlarik Ipar Eüskal Herri osoan. ‘Xede' taldeetako eüskara kurtsoak ikasleer egokitürik dira. Hala, haurzainek, administrazioneko edo turismako langileek beren lan denboraren arabera ikasten düe eüskara. Maritxu Lacarrieu eüskara garazalea :

Atarratzeko kolegioko elebidün saileko 5 & 4.ekoak Bizkaiarat joan dira bidajez. Eüskaraz mintzatzeaz gain, bisita zonbaiten egiteko parada ukan düe. Eta lan sail desbardinetaz alkarrizketa zonbait egin dütüe. Hots kasetalari lanetan erauntsi düe 4.eko ikasleek. 5.ekoak argazki hartzen ari zirelarik. 4. ikasleak :

Nazioarteko alkartarzünaren astea date dagün astean. Parada hortan Berrogaineko Bixta Eder edo LARPS lizeoak egünaldiak antolatzen dütü azaroaren 20etik 24ala. Egünaldien aipageiak ipar/hego harremanak eta bizigia txarren üngürüan dirate, helbürüa delarik ikasleen ohartaraztea. Hortarako, Filipinetako praubeen edo gabezia gorrian direnen kartiel bat plantan emanik date lizeoan berean. Lizeoko eta San Frantses kolegioko haurrak oro taldeka iraganen dira delako kartiel hortarik. Horrez gain, ostegünean forum edo informazione trükatze bat antolatürik date alkarte hanitxen parte hartzearekin. Christophe Gaget LARPS-eko zuzendaria :

Basabürüko eskola ororetan bezala, haur heinaren apaltze bat senditzen da ikastolan. Oro konta, 34 haurrekin, aitzineko urteari parekatzez apaltzea ttipi da, bena ondoko urteer so egitez ez da ikusten nola emendatzerik izaten ahal den. Ikastola hontan, 4 egün eta erdiko antoladüra begiratü da oranokoan aurtenko, TAP edo Eskolaz Kanpoko Aizinarteak arrestiriko libertitzeen animazaleak dohainik direno. Bigerren urtekoz ere, Alozeko eskola berri berrian egin da sartzea. Xehetarzünak Joana Arhancet züzendariarekin :