Xiberoko ützülia, Larraineko traila eta Ahargo, Barkoxeko trailak lasterkaldietan parte hartzeko izen emaiteak abiatü dütüe. Barkoxeko “ahargo lasterkaz”, sasuko lehena izanen da apirilaren 28an. Laugerren aldikoz proposatzen düe beren lasterkaldia Barkoxtarrek, berrikuntza zonbaitekin. Lehen kilometra egin eta, ahargoko tini edo püntan, tzintza ttipi bat badateke eta lehena heltüko dena lehen sari bat irabaziko dü Aurten ere “txapelketa”deitzen den Euskal herriko trail sailkapen orrokorrean sartüko dira, eta label berde batetan ere sartüko dira, üngüramenari kasü eginez Hiru ebilbide 19 kilometrakoa, besteak 10 bat eta azken bat ebilzalentako. Xehetarzünak David Etchecopar "Attuli"-rekin :

Partida izigarri inportantak badirate neskenegün hontan Mauleko trinketean. A eta B mailakoak. Frantziako goi mailako lehiakan, multxoko azken partidak dirate trenkatüko. Eta denek badüküe zer gal, hortako denak irabazteko gogo gorriarekin jinen dira. - 4etan B mailako: Bielle-Palomes, Lambert-Migeltorena - 5etan A mailako Larralde-Iturbe ; Ducassou-Intxauspe Cedric Samalbide :

Neskenegün hontan Frantziako lehiakako goi mailako jokülariek erauntsi düe Glaria trinketan. Multxoko partiden azken egüna izanki bi partida tinko ikusi dütügü. Lehen partidan, B heinean, Lambert eta Migeltorena nausitü dira 40-32 Bielle Palomes-eri. Bena ondoko partidak dü süa piztü. A heinean Ducassou-Intxauspek 40-39 irabazi düe Larralde-Iturberen eretzian. Azken bikote honak 10 puntu beno haboroko beranta bazüen, eta azkenean arra jin dira Mauleko 300 ikusleen plazer handienarentako. Oraitik goiti kanporaketak abiatüko dira. Cedric Samalbide epailea :

Frantziako eskualdeen arteko koparen finalako sailkatü dira Atarratzeko eskü baloia taldeko emazteek. Animaleko balentria egün düe aste ondar huntan. Pays de Loireko Tours herrian Final laurdenak eta erdiak jokatü dütüe. Final laurdenak irabazi dütüe lehenik, Nord eskualdeko Aneau taldearen kontre 17/15. Eta ondotik segidan, final erdia ere irabazi düe Bretaniako Plouagat taldearen kontre, hor aisago 25/19 ürrentü beita. Frantziako eskualdeen arteko koparen finala, Pariseko Zenith kirol gelan maiatzaren 5ean date. Mathieu Thauzin alkarteko langilea