Xare, Joko Garbi, ala Pasaka bezalako sailen geroa zoin ülün den ikusirik eta urtoroz lizentziadünen nonbrea ttipitzen dela ikusirik, hats berri baten hartzeko xedea presentatü dü batzordeak, atzo Mauleko Agerrian egin düan biltzar nausian. Eüskal Hirigüne Alkargoarekin harremanetan dela jakinarazi dü, pelota kirol bat beno haboro, hondare bezala ezagütürik izan dadin. Helbürüa delarik eskoletan pelotaren alde güzien erakastea. Trebazaleen formakuntzan hasirik lanaren arraikitzeko nahiküntea erakutsi dü, eta emazteen leküa ere haunditü nahi düe. Komünikazionearen gaintitik ere indar eginen dü, gazteek hanitx erabilten dütüen jentarte sareetan, bereziki. Henri Erandonea:

Urtoroz bezala 'Essor Basque’ pirripita edo bizikleta lasterkaldia, Xiberotik iraganen da. Amatür heineko pirripitalari hoberenak hor izanen dira kostaldetik abiatürik, Bokalerik, eta ondotik Kanbon barantailaren 3 eta 4an, eta azkenik barnealdean Donapaleun, Garazin eta Maulen ondoko aste ondarrean barantailaren 9, 10 eta 11an. Iragan urtean abiatürik, goizanko animazione gisa, “mauleko vttrail”a eginen da Binazka egiten da bizikleta batekin, hau igaranarazten dena batatik besteala, 12 kilometratan orotara. Christian Bibal antolazaleak :

Erran behar da 500 bat direla urtoroz beren ‘socios' karta arraberritzen düenak. Aurtenko kanpainan, 13.000 euro bildü düe. Bada hiru urte orai sociosen xedea plantan dela. Eta urtoroz biltzen diren sosa balioztatzen düe. Iragan urtean, Gehitüen edo senior delakoen entrenatzeko tresnak erostez ; aurten aldiz errügbi eskolari berri berria den 'algeco’ delako estolpe bat eskentzez, zelai bazterrean tresneriaren edo mankatüen aterpetzeko. Régis Claverie, 'Pusa Maul'e socios kidea

Bihar Nafarroa eta Mauleko errügbi taldeen arteko derbia igaranen da arrestiriko 15:30etarik haste, Marius Rodrigo zelaian. Xiberoko Botzean eta Eüskal Irratietan xüzenean emanen dügü ! Partidaz mintzatü gira Beñat Queheille Mauleko SAMko presidentarekin