Pitzgarri alkarteak mila bost ehün euro heineko sos lagüngoa eskeini dü, Alkarrein Bizi, helbarrietüetaz ardüratzen den alkarteari. Pitzgarri alkarteak haurren egonaldiak antolatzen dütü bakantzetan eta permanentziak urte orotan asteazken arrestiez, sensibilizatzen dütü ere hümanitario geietan. Alkarrekin Bizi alkarteak bere aldetik, inganioak antolatzen dütü helbarritü diren gazteentzat eta beren familiak lagüntzen dütü. Babeth Elizondo eta Manon Chapar :

Errealitate honen berme da sortü, behartsüer, prezio apal batetan auto baten alokaidatzeko ideia. Mourenx hiriko “Ciel” egitüra sozialak dü bideratzen, Estatüa, Akitaniako lürralde eta Kontseilü orokorraren lagüntzekin; Sistema RSA bezalako lagüntza honkizaleek baliatzen ahal dükee, edo lan txerkatzera joaiteko, edo formakuntza baten jerraikitzeko, baldin eta, lehenagotik zerbütxü sozialen ganik baimena ardietsi balin badüe. Hiru eta lautanhogeita hamar egüneko epe batean alokaida ahal lezake autoa, 2€ ko egünka pakatzez. Oranokoz, Biarnon da zerbütxü hau indartsüen, hala nola, Olorone, Ortez edo Saliesen. Euskal Herriko lehen adarra Maulen zabaltü da, bena xederen eramaileak, interresatürik direneri gogotik bortak zabal letzezkate. Jacques Herrera eta Josiane Boidat :

« BIZIA » izeneko foruma arrapizten da aurten ! Osagarriaz da foruma, eta konferentzia, mintzaldi, entseatze eta ikaste mahain izanen dira Hortan sartzen diren sonolasaitze, sofrologia biodanza eta beste gauza hanitx deskubritzen ahalko direnak Mauleko zerbütxü günean neskenegünean Anais Bordarekin xehetarzünak:

Etxeka alkarteak bere bigarren kanpaina eramaiten dü. Etxeka alkartea Xiberoan sortü da adinetako jendeer alojamentü baten txerkatzearen lagüntzeko. Gerogo eta haboro dira, osagarri honean bena etxea edo alojamentüa ez egoki egünoroztako biziarentako Hartakoz alkarteak eskele gütiko alojamentü ttipiak txerkatzen dütü eta bere kanpaina abiatzen 0559283216 zenbakialat deitzen ahal düzüe halako alojamentü bat balin badüzüe. Prefosta alkartea etxebizitzaren alokatzeko sosa heina badü. Nicole Lougarot :