Berriak

: Berriak; 2018 Martxoa 21; Agerraldiak: 2343

Xiru arra horra da dagün aste ondarrean

Xiru festibala iraganen da martxoaren 30 ,31 eta apirila lehenean Gotainen-Irabarnen. Aurtenko lema « zauriak lore 2018 » ; 14 ko gerla, Gernika edo ere Aljeriakoak utzi zaurrietan bermatzez ,3 egünez ikusgarri ,filma kantore eta müsika sorkuntzak eskentüko dira ; hitzordü nausia izanen delarik neskenegün arratsarekilan Barbau 14 ikusgarriaren berriz sortzearekin. Aurtenko xiru festibalaren xedea, gerlen zentzügabekeria plazan agertzera da eta zentzü hortan Koldobika Jauregi ,Gipuzkoako eskültoreak , « pareta » izena düan obra sortü dü, mundüan eraikitzen diren paret–en miraila izan nahi dena.. Hitzordüetan : Ostiralean Gotaineko elizan ,zauriak lore gaüaldia , Argentinako talde bat eta Amaren Alabak taldearekin. Neskenegünean, arrestiko 3 etan dokümental bat Maule baitha zinema salan « El gusto » izenekoa, hontan judio eta musulman soinü egile talde baten istoria kontatürik da. Arrestiko 5 etan Koldobika jauregui en obra en estrena. Arratsan Gotaineko salan Barbau 14 ikusgarria 9 etan . Igantean : egünaldi herrikoia, pelota partida eta kantaldi. Mixel Etxekopar antolazalea :

: Berriak; 2018 Martxoa 20; Agerraldiak: 1769

Eusko ikaskuntzako barkoxtarra zentü da

Jean-Michel Larrasquet, ünibersitalaria eta eusko ikaskuntzako kidea zentü da 67 urtetan eritarzün larri batek eramanik. Bere etxekoak xiberotarrak ziren, aita Barkoxtarra eta Parisen sortü zen ; bena betidanik Eüskal Herriari etxekirik zen eta funtsean ikasketak egin ondoan Eüskal Herrian lan egin züan. Ipar euskal herriko ünibersitate azkar baten alde, hegoaldekoekin harremanak indartzea edo ere ekonomia sailan, tai gabe lan egin dü. Barkoxeekin lotüra azkar bat beti etxeki dü eta herri ttipien geroaz, Eüskal Herri osoko ordezkariekin antolatü züan foro bat düala urtea! Igaran urtean alkarrizketatü günüan :

Patrick Queheille "Kanpo" :

Elkarretaratze bat bada bere omenez bihar 6 orenetan Baionako Amestoya etxean, Benjamin Gomez etorbidean

: Berriak; 2018 Martxoa 19; Agerraldiak: 1796

Antonita Parot-eri azken agurra egin zaio

Atzo Antonita Paroten errautsak Altzürükün ehortziak izan dira. 60 bat lagünez goiti bildürik ziren berari azken agurraren egitera, barne bere arra haur, Ursua eta Jon bere haurrak, bat falta zelarik, Unai, honek ez düalakoz bere amari azken agurraren egiteko baimenik üken Espainiarren ganik. Amaren bizia ohitarazi eta, Unai eta Jonen egoeraz ere hitz egin da zerremoniatik landa. Jon presenta balin bazen ere, ohartarazi düe 5. aldikoz ükatürik izan zaiola baldintza peko askatarzüna, eta Unai bere Anai, ezin dela ez eta agertü ahal izan ehortzetara, nahiz legeak permetitü. Bada orai 29 urte Jon eta Unai Parot preso direla, Xistor Haramburu et Jakes Esnal diren bezala. Lau hauen alde Bagoazek apirila honen 14an, mobilizazioneak antolatüko dütü Baiona eta Donibane Lohitzünen artean. EH Bildu-ko Xabi Larralde :

Johañe Carricaburu "Lapistoi" Altzürüküko aüzapeza :

: Berriak; 2018 Martxoa 20; Agerraldiak: 1745

Bada jadanik bi urte ondarkinen biltzeko sistema kanbiatü dela

Xiberotarren zenzibilizatzea eta bakotxak bere ardüra har dezan ondarkinen behezketa ekarri dü alde batetik. Zikin ontzien pakaztea butillaka zen xedea hatsarre batetan. Ez bada orano etxit plantan pakatze sistema, xiberotarrek ontsa kunprenitü düe ez züela leheneko gisan jarraikitzen ahal. Zenbaki batek horik oro argitzen dütü : Lehen 3000 tona biltzen zen orai 1 000 tonaz gütitü da. Haatik güneka orano errespetü eskaza salatzen düe aüzapez zonbaitek. Michel Iratcabal ondarkinetaz ardüratzen da :

Maite Echeverria ozazeko aüzapeza :

: Berriak; 2018 Martxoa 19; Agerraldiak: 1711

Bürki xaparen sasu betean gira

Olurra izeneko entrepresak düala 3 urte abiatü dü bürki zuhainen xapa biltketa. Butilla bat et’erdi edo hiru butillakoa proposatzen deizüe bedatse abiatze hontan, korpitzaren xahatzeko eta indartzeko errekeitü edo « curre » gisa. Urte oroz bürki xaparen galtoa emendatzen da eta olurra enpresak jadanik hiru langile badütü sasozko aktibitate honen joanarazteko. « Biologiko » eta « nature et progres » labelak badütü Olurra enpresak bere zuhainez errespetuz egiten den lanari esker. Arralantatzeak egiten dira besteak beste zuhainen geroaren segürtatzeko. Bertrand D'hulst :

Azpikategoriak

Herrietako berriak

Agenda

Politika

Ekonomia / Turismoa

Kultura

Kirola

Laborantxa / Üngüramena

Hezkuntza

Soziala / Osagarrigintza

Ingurumena

Basabürüko berriak

Entzunenak
Azkenak

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

9 lanpostüren galtzeko arrisküa Mauleko ospitalean

2024 Iraila 13Soziala / Osagarrigintza

Ostirale goiz hontan 100 bat jente bildü da Mauleko ospitale aitzinean. CGT sindikatak 9 lanpostüren galtzeko arrisküaz jakinarazi nahi beitzüen. Hortaz gain, azken urteetako gor...

Disolüzionearekin beranta hartü düe lege proposamenek

2024 Iraila 13Politika

Etxebizitzaren arrenkurari ihardesteko, gehiengo presidentzialeko depütatü batekin lege proposamen bat egin züan urte hatsarrean Iñaki Echaniz gure depütateak. Honek turismoarentak...

Urdiñarbetar mariñel batek Atlantika trebesatüko dü

2024 Iraila 13Ingurumena

HEOL zientifika expedizionea abiatü da Igan asteazkenean Angelutik.3 eskolako lagünek, horietarik xiberotar bat, eraiki düe itsasoaren hartzeko ekipajea.6 hilabetez bela edo oihale...