Berriak

: Berriak; 2018 Martxoa 22; Bisitak: 58

Barkoxeko maskaradetara tziauste marrazkitzera

Goizetik arrestiriat arte marrazkilariak ariko dira nahi düena libroki marrazkitzen. Maskaradetan beti mugimentü eta dinamismo beita zale ari beharko düe, hortako marrazkiak ‘kroki’ maneran dirate. Teknika edo egoera horri esker marrazkilariek ikasiko düe inportanteenera joaitea, bertan zale marrazkitü behar beita. Marrazkiak ondotik sare sozialetan hedatürik dirate, eta Uztaroen facebook orrialdean ikusgai dirate, baita beste zonbaitetan ere. Oroer zabalik da, hitzordua 10.30tan Barkoxeko plazan edo arrestitan, 3etan. Paper xuri eta arkatzak dira beharrezkoak, omen arkatz egokiena izanki 6B motakoa, marra gizenagoa beitü. Bena ez badüzüe materialik, antolatzaileek prestatüko deizüe. Gonzalo Etxebarria Uztaro ateleriaren eramailea :

: Berriak; 2018 Martxoa 22; Bisitak: 62

10. aldikotz selaürü hüstea antolatzen dü Bolibiaren aldeko alkarteak.

Boliviaren alte selaürü hüste eta brokanta bat antolatürik da igante hontan Mauleko Jai Alaian. 1000 jente beno haboro eta 150 bat saltzale biltzen dütüen hitzordü bat badügü igante hontan. Bortak goizeko 9tan zabaltüko; arrestiko 6ak arte . Egüerditan pastetx eta ogitartekoak badirate, egün orotan bixkotx edo arroskilla salgai diratekilarik. Iragan urtean ura ekartez Boliviako saldo bati, xedeak oro bürütü dütüe. Madouce Araguas alkarteko kidea :

: Berriak; 2018 Martxoa 20; Bisitak: 61

Eusko ikaskuntzako barkoxtarra zentü da

Jean-Michel Larrasquet, ünibersitalaria eta eusko ikaskuntzako kidea zentü da 67 urtetan eritarzün larri batek eramanik. Bere etxekoak xiberotarrak ziren, aita Barkoxtarra eta Parisen sortü zen ; bena betidanik Eüskal Herriari etxekirik zen eta funtsean ikasketak egin ondoan Eüskal Herrian lan egin züan. Ipar euskal herriko ünibersitate azkar baten alde, hegoaldekoekin harremanak indartzea edo ere ekonomia sailan, tai gabe lan egin dü. Barkoxeekin lotüra azkar bat beti etxeki dü eta herri ttipien geroaz, Eüskal Herri osoko ordezkariekin antolatü züan foro bat düala urtea! Igaran urtean alkarrizketatü günüan :

Patrick Queheille "Kanpo" :

Elkarretaratze bat bada bere omenez bihar 6 orenetan Baionako Amestoya etxean, Benjamin Gomez etorbidean

: Berriak; 2018 Martxoa 21; Bisitak: 64

Xiru arra horra da dagün aste ondarrean

Xiru festibala iraganen da martxoaren 30 ,31 eta apirila lehenean Gotainen-Irabarnen. Aurtenko lema « zauriak lore 2018 » ; 14 ko gerla, Gernika edo ere Aljeriakoak utzi zaurrietan bermatzez ,3 egünez ikusgarri ,filma kantore eta müsika sorkuntzak eskentüko dira ; hitzordü nausia izanen delarik neskenegün arratsarekilan Barbau 14 ikusgarriaren berriz sortzearekin. Aurtenko xiru festibalaren xedea, gerlen zentzügabekeria plazan agertzera da eta zentzü hortan Koldobika Jauregi ,Gipuzkoako eskültoreak , « pareta » izena düan obra sortü dü, mundüan eraikitzen diren paret–en miraila izan nahi dena.. Hitzordüetan : Ostiralean Gotaineko elizan ,zauriak lore gaüaldia , Argentinako talde bat eta Amaren Alabak taldearekin. Neskenegünean, arrestiko 3 etan dokümental bat Maule baitha zinema salan « El gusto » izenekoa, hontan judio eta musulman soinü egile talde baten istoria kontatürik da. Arrestiko 5 etan Koldobika jauregui en obra en estrena. Arratsan Gotaineko salan Barbau 14 ikusgarria 9 etan . Igantean : egünaldi herrikoia, pelota partida eta kantaldi. Mixel Etxekopar antolazalea :

: Berriak; 2018 Martxoa 20; Bisitak: 68

Bada jadanik bi urte ondarkinen biltzeko sistema kanbiatü dela

Xiberotarren zenzibilizatzea eta bakotxak bere ardüra har dezan ondarkinen behezketa ekarri dü alde batetik. Zikin ontzien pakaztea butillaka zen xedea hatsarre batetan. Ez bada orano etxit plantan pakatze sistema, xiberotarrek ontsa kunprenitü düe ez züela leheneko gisan jarraikitzen ahal. Zenbaki batek horik oro argitzen dütü : Lehen 3000 tona biltzen zen orai 1 000 tonaz gütitü da. Haatik güneka orano errespetü eskaza salatzen düe aüzapez zonbaitek. Michel Iratcabal ondarkinetaz ardüratzen da :