Ekonomia

: Ekonomia / Turismoa; 2011 Azaroa 23; Agerraldiak: 3242

Arakin berri bat Maulen

Victor Hugo eta Pasteur karriken kantuan den arakintegia jabez kanbiatü da. Baionako Alabardak (Les Halles) ützirik, Benoit Auger arakina eta bere neskalagüna jin dira Maulerat. Tolosar gazte honek desafio eijerra atzamaiten züan arakintegi horren hartzean eta segür dena da, ez dela oranokoan pürü dolützen, aferak zinez ontsa ibilten beitira. Bere Baionako hornitzaileak eta arakintegiko beste zonbait etxeki dütü kalitatezko aragia eskentzeko bere bezeroer. Bestalde, 30 urtez petikakoer züzentürik den CLEJ eko 4000 euroko sos lagüntza üken dü eta horren bidez kozinatürik diren jatekoen erakusleiho bat erosi ahal izan dü. Erosleak kontent eta jabe berriak ere bai, ber ildotik jarraikitzea dü esperantxa Benoit Augerek.

Entzü Benoit Auger Mauleko arakin berria :

: Ekonomia / Turismoa; 2011 Azaroa 03; Agerraldiak: 3177

Txostagailüak eta haurzaingoako tresnerien merke saltzea

Azaroaren 5ean Mauleko parropiaren gelan, merke saltze bat antolatzen dü Haurra alkarteak. Haurren txostagailü, haurzaingoako tresneriak salgei izanen dira hor. Züen etxen baliatürik ez diren haboro txostagailüak, libürü, bideo, bestea beste edo ñeñerentako tresneriak, ohe, haur orgaxka ekarten ahalko dira saltzeko. Prefosta, estatü honean eta xahü ekartea galteginik da. Egüberriari bürüz, opari merke zonbait egiteko, bigerren esküko gaüza hanitx edirenen dira prezio hoberenean. Mezperatik azaroaren 4ean, txostagailüak eta ñeñen tresneriak pausatürik izanen dira goizanko 9.15tarik arrestiriko 18.30tara. Aldiz, astelehenarekin saldürik ez direnak bildürik dirate arrestiriko 16.30tarik-18.30tarat.

Entzün Mixele Ayçaguer Haurra alkarteko kidea :

: Ekonomia / Turismoa; 2011 Urria 20; Agerraldiak: 3458

"Denda" ikerlan tresna bat enpresen sortzeko

Eüskal-Herriko Merkatal eta Indüstriako Kanberak, enpresa bat sortü aitzin delibero baten hartzeko, « Denda » izeneko tresna eskentzen dü. "Denda"-k, Lapurdi- Baxenafarroa eta Xiberoko jenteen kontsumitzeko egitateak ikertzen dütü, bai eta lürralde horietan zer komerzio, ofiziale, zerbütxü eta beste edireiten ahal diren. Eüskal-Herriko Merkatal eta Indüstriako Kanberak hiru heineko jarraipen bat proposatzen dü enpresa sortzeko xede düanari, ikerlan honen emaitza Merkatal ta Indüstriako Kanberararen internet günean edireiten ahal dira, eta hürrünago joaiteko, bere teknikalarien lagüntza eskentzen dü, xedeari lotürik den ikerlan barna baten egiteko.

Entzün Jon Arizmendy Eüskal-Herriko Merkatal ta Indüstria Kanberako "Denda" zerbütxükoa :

: Ekonomia / Turismoa; 2011 Urria 28; Agerraldiak: 3380

Mauleko EBL enpresa ekoizpen ekologikoer bürüz

Mauleko EBL enpresak, ekoizpen berdeen egiteko eta energia berriztagarrien erabilteko egin dütüan indarrak, ondorio baikorrak emaiten dütüe. Enpresaren itsüra hobetü da, odi ekoizpena handitü da eta hiru langile haboro hartürik izan dira urte batez. Bere merkatüa Frantzian kokatzen bada nausiki, Ipar Europako herrietara zabaltzen ari da. Dagün urteko EBL enpresak ekoizpenaren handitzea esperantxa dü, nahiz eta egoera ekonomikoak düdak sorarazten dütüan. Beste bi langile hartüko dütü bost hilabeteen barne eta beste ekoizpen ekologikoen sortzea asmüa dü.

Entzün Eric Lac EBL enpresako züzendaria :

: Ekonomia / Turismoa; 2011 Urria 20; Agerraldiak: 3359

Eüskal-Herrian enpresen sortzeko nahikünte azkarra

Enpresa baten sortzeko edo bere enplegüaren sorarazteko nahikünte azkarra egoiten da Ipar Eüskal-Herrian. Eüskal-Herriko Merkataritza eta Indüstriako Kanberak berriki plazaratü dütüan zenbakien araberan, 2010ean 4337 enpresa sortürik izan dira, Lapurdi, Baxenafaroa eta Xiberoan, horietarik heren pottolo bat Auto-Entrepreneurs estatü pean. Enpresa klasiko sortzearen heina apalagoa agertzen da, bena orohar, Auto-Entrepreneurs delakoen ekarpenari esker, zenbakiek % 34eko goratze bat erakusten düe. Sortütako enpresa haboroenak kostaldean kokatzen dira, bena barnekaldeak emaitza honak dütü eta audela lüzexago irauten düe. 2006ean sortü ziren 10 enpresetarik 7ak orano bizi dira, kostaldean proporzione 10etarik 5,7koa delarik.