Sustrai Colinak irabazi dü Euskal Herriko Bertsolari Txapelgoako final aitzineko azken kanporaketa. Unai Agirre bigarren, Jexux Mari Irazu hirugarren, Aitor Mendiluze laugarren, Jone Uria bostgarren eta Agin Laburu seigarren. Saio borobila eskeini düe bertsolariek nonbre haundi hüllantü den püblikoari eta püntüazionearen aldetik beste saio beno aphalagoak egon badira ere, sei bertsolarien artean izan den deskarta ttipiak frogatzen dü talde lan honaren egitea kausitü düela. Dagün abentüaren 15ean Barrakaldoko BEC gelan finalean aritüko dira beraz, Amets Arzallus, Igor Elortza, Sustrai Colina, Beñat Gaztelümendi, Aitor Mendilüze, Unai Iturriaga, Aitor Sarriegi eta Maddalen Lujanbio txapela defenditüko düana.
Sustrai Colina :

Eüskal herriko bertsolari txapelgoako finalean ariko diren zortzi bertsolarien izenak, neskenegünean ezagütüko dira Maulen. Elizondo eta Donostiako saioetarik landa Maulen ariko dira azken 6 bertsolariak püntüazione hobenaren kausitü nahian. Bertsolariak dirateke, Sustrai Colina, Aitor Mendiluze, Unai Agirre, Jone Uria, Agin Laburu eta Jexux Mari Irazu, gai emailea datekealarik Joana Itzaina. 17.30etan xüxen hasiko da saioa. 1200 lekü saldürik izan badira jadanik, orano 500 bat batzen dira. Bestela jakin ezazüe Eüskal Irratietan züzenean hedatüko dela, gure bi aditüekin Ramuntxo Christy eta Xan Alkhat.
Joana Itzaina :

2013an Barkoxeko Etxahun alkarteak, dantza, antzerki, gogoeta-eztabadak, sail ezbardinetako jeiak antolatü dütü. Iragan ostiralean egin den alkartearen biltzar nausian, Patrick Queheille Kanpo lehendakariak erraiten zeikün bezala, izan dadin, Hebentik, Bil Xokoa, Eusko Ikaskuntza, Barkoxeko Herriko Etxea ala Rugby taldearekin, animazioneak geroz eta haboro beste alkarteekin partaidetzan antolatzen dütüe, eta hortaz botzik agertü zaikü. 
Patrick Queheille Kanpo alkarteko lehendakaria :

Irakurri gehiago ...

"Magouilles et Conflits de canards" antzerkia proposatzen deikü Mauleko Kültür sailak azaroaren 15ean, ostiral gaü hontan 21etan Urdiñarbeko gelan. Jean-Marc Magnoni eta Jérôme Paquatte-n obra bat da. Azken hura antzezlan hortan aktore da Floriane Muller-ekin. 2012garren urtean sortü zen antzerkia eta Avignon-eko antzerki festibalean arrakasta bildü züan. Elür erauntsi batean, hirietako emazte farfana eta trunpamunde Pamela agertzen da, ahate hazle emazte hein bat bahesta den Josetteren etxera. Pamela trapuzeroak laster ikusten dü laborarisak sos ontsatto badüala geinhatürik eta egin ahalak oro eginen dütü osetteri kausitzeko : bai alegia adiskide handi egin direla, gizonekilanko arrolatze kokillot elibaten kontatzez..... Gure laborarisak zer ote gordetzen deikü ? Erri zapartaz ariaraziko zütü, neskatila harro eta kixkil baten eta emazte fardeil arteko kürütxatze honek.
Floriane Muller aktorea :