4000 bat jente bildü zen atzo Larrainen Telesforo Monzon pastoralaren ikusteko !
Arrakasta handia bildü dü eta giro ezinago honean iragan da. Denbora haitü zen, odeitsü bena ebirik gabe.
Ikusgarri eijerra izan da, bortüko botz eijerrak entzün dira, dantza bereziak eta Monzon kargüa ezinago hontsa eraman düe Ximun Accoceberri eta Dominika Urrutik.
Jean Bordachar idazleak Monzonen bizi aberatsa kuntatu dü eta nola borroka eraman züan Eüskal Herriaren alte.
Memento azkarrak izan dira, Monzonen hego Eüskal Herritik joaitea, Burgoseko auzia edo ere ETAko militanteen arrestatzea.
Nola ez aipa ere Monzonen kantoreak, famatüenak entzün dira: Itziarren semea, Lepoan hartu, Batasuna eta beste franko.   
Monzon pastoralaren 2 gerren emanaldia dagün neskenegunean emanen da Larrainen, arrestiriko 3 ak eta erditan.
Azken emanaldia Bergaran emanen da, Monzon zenaren sortherrian, setemearen 17an.

Entzün lekükotarzün ezbardinak :

Jean Pierra Recalt errejenta :

Jean Bordachar idazlea :

Ximun Accoceberri (Monzon gazterik) :

Dominika Urruty (Monzon) :

Nicolas Bengochea (Aktürra) :

Robert Larrandaburu (Aktürra) :

Johañe Etxebest (Dantzari eta aktürra) :

Bada 10 egün “Xora” izeneko filma hasirik direla filmatzen Xiberoan eta egileek deioienaz gaüzak ontsa joaiten dira. Hor ere, aroa txarrarengatik plangintza kanbiatü behar izan düe, bena epean ürrentüko düela baieztatü deikü Peio Cachenaut filmaren egileak. Gaüko parte güziak filmatürik izan dira jadanik eta memento hontan Ahüzkiko olha batean irudiak hartzen ari dira. Aro eijerrarekin pentsatürik ziren planoak, ekia oroz bat ützüliko delarik filmatüko dütüe. Hamar bat egünez jarraikiko düe beraz “Xora”, Xiberotarrez eta Xiberoan eginik lehen film lüzea filmatzen.

Entzün Peio Cachenaut filmaren idazlea :

Eüskal borrokalariak ohoratüko dira igantean Larrainen emanen den Telesforo de Monzon pastoralean. Igandean bürütik bürü arropekin, eman düe pastorala. Mustraka orokorrean abantxü prest zirela erakutsi düe. Kantore, dantza eta botz ederrak ez dira eskaz, Jean Bordaxarek idatzi düan pastorala hontan. Antolazaleak, botzik agertü dira, azken hilabete lüze horietan egin den lanaren emaitza ikusirik. Orai denbora haütüa egürikitzen düe eta Jean-Pierra Accoceberry antolatzale gazteak segürtatü deikünaz, egin ahalak oro eginen düe jente güzien baldintza hoberenetan errezibitzeko.

Entzün Laurentx Etxegoinen erreportajea :

Üztailaren 29tik agorrilaren 24ala “ F'estivales Herria ” iraganen da Mauleko gaztelüan. Lehen ekitaldia lüzatzen dü Mauleko Gaztelüko Lagünak alkarteak, üztailaren 29ean gaüko 21.30etan Mauleko gaztelüan. Aitzin partean, Lionel eta Hervé Berzaitz kantan ariko dira eta ondotik Baxe-Nafarratik jinik Nekez Ari gizon Kürra entzüten ahalko da. Jateko eta edateko ere badateke. Ebia balitz, kantaldia Maule-Gaineko elizan iragan leite. Ondoko asteetan beste 5 gaüaldi antolatzen dütü Mauleko Gaztelüko Lagünak alkarteak.

Entzün Jean-Louis Belhartz Herria alkarteko kidea :