Üdatik landa pausatü ondoan, Xiberoots taldea arrajiten da neskenegün hontan Ezpeizen emanen düan kontzertü batetkin. Willis Drummond taldearekin batetan ariko dira, horren ondotik Les Anonymes taldea izanen delarik. Xiberoots taldeak arrakasta ejer bat bildü dü Eüskal Herri osoan, eta hainbat günetan erauntsi dü. Eüskal kantagintzako kantoreak arramoldatzen badütüe, berek idatzi kantoreak ere emaiten dütüe. Neskenegün hontako kontzertüaz baliatu gira.  Xiberootseko kideekin mintzatzeko, Iulen Guiresse lankidea joan beita mustraka batetara. 10:30etarik goiti ariko dira Ezpeizen, sürprisa bat ere eskentüren düe lehen aldikoz. Antoine, Jon eta Pette :

Sei emazte omentürik dira, Pier Pol Berzaitzek hontü düan « Maite-K » ikusgarrian. Azkena agerraldia date eta Maulen iraganen da abentü honen 10ean. Inesa de Gaxen, inkisizione püntüan epaitürik izan zena, Kattalin Aguirre erresistentzian ebili zena, Mentxu Gal margolaria, Bizente Bogel, eüskaraz, lehen eleberriaren idazlea, Emiliana de Zubeldia, müsika hontzalea, eta Madalena de Jaurreguiberri eüskalzale xiberotarra. 40 bat lagün jüntatü dira obra honen eraikitzeko. Bertso, kantore, dantza eta müsikaren bidez dira sei emazte horik ohoratüko. Bilbon, Donibane Lohitzüne, Donostia eta Donapaleun emanik, azkena Maulen dateke abentü honen 10ean, gaüko 9tan, Jai Alaian. Txartelak Xiberoko Turisma Bülegoetan kausitzen dira. Xibero Bio eta Sohütako Irintzina prentsa salgian ere hartzen ahal dira, 20€ -ren trük. Xiberoko Botzari beha bazide, leküak irabazten ahalko dütüzüe ere!
Pier Pol Berzaitz :

Maite-K Pier-Pol Berzaitzen ikusgarriak Mauleko Jai Alaia bete dü neskenegün gaüan. Eta hor ziren 500 jenteek partikülarzki maite üken düe muskildiarraren azken sorkuntza. Espantatürik baratü dira entzün dütüen botzetaz, bai eta dantzarietaz. Bilbo edo Donostiarat ebili ondoan azkena zen Maulen eta antolatzaleek berek aitortü düe tximiko berezi bat zela xiberotarraren aitzinean agertzea. Bi urtetako lantze horren ondotik pausü baten egitera botzik dira halere eta ez da arra-emaitea aipatürik.
Pier Pol Berzaitz :

"Garde à vous" izeneko ikusgarri edo antzerki bat emanik date egün ostiralearekin (2016/12/02) Mauleko Tokia konpainiaren kasernan. Mixel Legaux-k hainbat idazleren puzka zonbait erabiltez antzerki antimilitarista bat hontü dü. Atharratzeko Decung ostatü ohian eman bazüan lehenago antzerkia, arrahartzea erabaki dü ikustez gerla beti aktüalitatean edo egünkotarzünean dela. Arraileria eta erria erabiltez, mündü honen kritika bat da eginik. Beti bezala, sartzearentako bakoitxak nahi düana emaiten dü. Hitzordüa bihar arratsen, Mauleko kasernan gaüko 9etan. Mixel Legaux :