Xiberoko Axuria kooperatibak urteko bilan hona presentatü dü biltzar nausian ; lehen urtea iragan düe egoitza berrian eta düda zonbait balinbazüen urte hatsarrean, bilanean agertzen da fres handiak izanagatik kooperatibak ahalak badütüala bürü egiteko. 300 bat hazle eta 18 langileen artean eramaiten da kooperatiba ; 49 000 axuri, 392 behi eta 1200 xahal saldürik izan dira azken sasoan. Merkatüen aldetik, Espainako merkatüan prezioak apaltü dira, aldiz esperantxa honak dira Japonia eta orokorki Asiako merkatü berriekin. Axuria kooperatibaren helbürü nausia da egoitza berriarekin merkatüak segürtatzea, 220 000 euroko fres emendatzearen gaintitzeko. Peio Quihillalt kooperatibako presidenta :

‘Life oreka mendian” izenarekin, helbürüa delarik mendia eta bere hanitxtarzünaren hobeki ezagützea. Bizkaia, Gipuzkoa eta Arabako gobernüekin bena ere EHLG, Natura 2000 edo “Hazi” komünikazione egitürarekin plantatü da. 3 miliu euro eta erdi koste dü 5 urteko xede hunek, iparraldeko lagüntza delarik 300 000 eurokoa, EHLG –ak eramaiten düana. ARBCL Larraineko herritarren elkarteak galteginik, presentatürik izan da Larrainen iragan ostiralean. Erran behar da ikerketa horien egiteko kürütxa elibat hedatzen dütüela eta larraintarrak estonatürik izan direla kürütxa horiekin agitzea, ez beitziren horren jakinean. Jean Dominique Iriart :

Ossau Iraty sor markaren sindikataren haüteskunde urtea da eta dagün ürrietaren 25 an eginen den biltzar nausian bülego berri bat haütatü beharko da ! Arte hortan eskualde desbardinetan biltzarrak egin dira urteko bildümaren egiteko eta ordezkarien haütatzeko. Aldi hontako biltzarretan ez düe parte hartü FDSEA sindikatekoek « le Sillon » kazetaren bidez. Atarratzen 60 bat laborari ziren, horietan Xibero eta Biarnoko ordezkariak eta giro honean iragan da bilküra, emaitza honak emanik izan dira : gazna ontsa saltzen da eta fama hona dü. Bestalde, AOP Ossau Irati en arrauak gaintitü dütüela laborariek erranik izan da, lagüntza teknikoa ekarririk zaie arrauetan egoiteko. Jean Michel Barreix Ossau Irati-ko lehendakaria :

Xiberoko laborantxa nolakoa da? zentako? Bortükaren inportantziaz, Hartzaz, bestelakatzeaz, eta beste gai hanitxetaz ari zaikü AgroParisTech, hots Pariseko Agronomia ingeniür eskolako erakasle bat. Lehenago diagnostikoa nola eginik izan den esplikatzen deikü beste erakasle batek: