Bordale eta Hendaiaren arteko abiadüra handiko tren bide xede berriak bazterrak harrotzen dütü kostaldean. Herritarrak, haütetsiak eta alkarteak mobilisatürik dira beren ezadostarzünaren erakusteko. CADE edo üngürümenaren alte ari diren alkarteen kolektiboak azkarki ari da tren bide xede berriaren kontre eta igaran asteazkenean Maulen bilküra pübliko bat antolatü dü barnekaldeko jenteen informatzeko. Xedea zerentako ez düan honartzen jakinarazi dü eta eramaiten den garaio politika salatü dü. Gü ere xedearen ondorioak jasanen dütügüla azpimarratü dü, gure legarren bidez pakatüko beita Bordale eta Hendaiaren arteko abiadüra handiko tren bide berria. Azkenean, CADEk garaio motaren haütatzea, jentarte edo gizarte süerte baten haütatzea dela gehitü dü. Beste informazio bilküra bat finkatürik da barnekaldean dagün azaroaren 26an ostirale gaüan 20.30etan Donapaleuko Herriko Etxean, LEIA alkarteak antolatürik eta manifestaldi handi bat orai danik antolatürik da, dagün abentüaren 11an neskenegünarekin arrestiriko 15etan Lauga salaren aitzinean.

Entzün France Bonillo CADE alkarteko kidea :

Düala aste zonbait Xiberoa Herri Alkargoak Sohütan kokatzen den lür eremü bat erosi dü antxeretan. Eraikitzeko hektare bat eta 8000 metro karratüzko lür eremüa da. Bildozeko enpresa güneko lür güziak saldürik izan eta, holaz bere lür erreserba berritzen dü. Herri Alkargoa bildü beharra zen erospen honen honartzeko. Bilküra hortan, Sohütako lür eremüaren inbestizamentüa adostürik izan da. Bestalde, Herri Alkargoak ISPAC enpresari bere eraikuntzaren jabegoaren ützültzea euro baten trükü deliberatü dü.

Entzün Dominika Boscq Xiberoa Herri Alkargoako lehendakaria :

Aurore Martin Mauletarra, Okzitaniako Tolosa ondoan den Seiss-ko presontegian da igaran astearteaz geroz. Düala hilabete zonbait jadanik Españak euro agindü bat zabaltü züan Auroreren kontra, bena hau ezeztatürik izan zeion. Españako estadoak beste bat pausatü deio, eta honen ondorioz, Donibane Garaziko hedexüritegialat deitürik izan zen astearte goizan (azaroaren 9an), eta haüek erraman züen Paubeko proküradorearen aitzineala, zoinek ere bere presontegialatzeko agindüa eman züan. Euroagindü honen salaketaren egiteko, eta Aurorren Españalatzeko mehatxüaren salatzeko, mobilisazioa antolatü da eta segitzen da. Aurrore Martinen aldeko mobilisazioak izanen dira ostiral hontan (azaroaren 12a) 18:00etan Mauleko Kürütxe Xurian, eta dagün asteartean (azaroaren 16an) 14:00etarik goiti, Paubeko auzitegiaren aitzinean, hor erabakiko beita zer segida emanen den euro agindüari.
Entzün Maite Etxeverria Artzen Letonaren mikroa :

Jente apürrago ibili da neskengünean ürrentü den energia berriztagarrien, eko-eraikintzaren eta bizigia sanoaren Xiberoko 5. erakusgian. Halere, egün orotan jentea ibili da Mauleko plazan non ere, baratzegintzari lotürik zen informazioa zabaltü den nausiki. Proposatürik ziren mintzaldiek arrakasta üken düe, bereziki baratzeaz Pantxo Azaretek eskentü düanak bai eta etxe berrien eraikitzeaz eta etxe zaharberritzeaz izan denak. Jean-Pelle Iriart Herri Alkargoako Garapen Iraünkorreko batzorde bürüak baikor agertü zaikü. Energia berriztagarriak, eko-eraikintza eta leküko ekonomiaren garatzeko Xiberoko Herri Alkargoak hasirik lana jarraikiko düala beretsi deikü eta egür sailaren garatzeko, langile bat hartüko düala dagün urte hatsarrean jakinarazi dü.

Entzün Jean-Pelle Iriart Xiberoa Herri Alkargoako Garapen iraunkorreko batzorde bürüa :