Politika - Xiberoko Botza

: Politika; 2010 Iraila 23; Agerraldiak: 2266

EPFLaren Biltzar Nausia

E.P.F.L edo Eüskal Herriko Lür Eremüen Begiratzeko Erakunde Püblikoaren biltzar nausia igaran da asteazken goizan Maulen. E.P.F.L egitüra 2006an sortü zen, lür arrenkürari ihardesteko gisan. Hein batetan, espekülazioaren kontra düan balioa erakutsi dü, mügak ere bai, bereziki etxebizitza arrapizten den memento hontan. 2009an lür-presionea amiñi bat ttipitü bada ere, E.P.F.Leko kideak, Herriak edo Alkargoak, ez dira egoeraz aski baliatü lürren baztertzeko. Ondorioz, 2009an galtoak apaltü dira. Erosteak, 4 miliu euro heinekoak izan dira, 2008an kasik 6 miliu eterdikoak zirelarik. Etxebizitza mailan finkatü zütüen helbürüetara heltü bada ere, ez da ber kasüa garapen ekonomikoan finkatü zütüenentako.
E.P.L.Faren eremüa handitüz joan da 2009an, Iholdi-Oztibarre eta Xiberoa Herri Alkargoen parte hartzearekin eta sekülan beno haboro lür antolatze koherente baten beharra agertzen da gure 3 probintzientako.
Entzün E.P.F.L egitürako Juzan jauna :

: Politika; 2010 Maiatza 20; Agerraldiak: 2462

Etxebizitzen auzia

Iragan astean Baionan Oztibarreko (Baxenafarroa) bi gazte epaitürik ziren, bigerren etxebizitzen (résidences secondaires) kontrako afitxak ezarri beitzütüen. Proküradoreak 600 euroko isüna galtatzen züan bakotxarentako, bena bazen ere beste zigor galtazale bat : Beñat Etxebest. Soule Navarre Immobilier, Maulen düan agentzian eta salgei züan etxe batetan ere afitxak ezarririk izan beitziren, "partie civile" gisa aurkeztü zen epaitegian. Gazteer galtatzen zeien etxearen mürrüak tintatzea, eta agentzia aitzineko margoketa baten (ikus argazkia) xahatzea, nahiz eta gazteak ez ziren hortaz aküsatürik.
Eüskal Irratietan epaiketaren berri eman günüalarik, Beñat Etxebest entzün ahal izan günüan erraiten gazteek aipatzen züen arrenküra -etxe baten atzamaiteko arrenkürak- kostaldeko arrenkürak zirela eta ez Xiberokoak eta oro har barnekaldekoak.
Azkenean, epaileak 150 euroko isüna eman zeion bakotxari, xiberotarraren galtoer ezetz ihardestez.
Entzün Beñat Etxebesti egin alkarrizketa osoa :

Bere agentzian eginik izan den margoketa bat.

: Politika; 2010 Martxoa 24; Agerraldiak: 2197

Sohütako aüzapez berria

Chrsitelle Mange. Iragan ostiralean (martxoaren 19) Sohütako aüzapez berria izendatü dü kontseilüak : 11 botzekin eta oposizioko 4 hautetsien abstentzioarekin, Christelle Mange da aüzapez izanen. Aüzapez ohia, Laurent Etxeto zentü ondoan, eskualdeko haüteskundeen lehen ützülian kontseilari berri bat izendatürik izan zen. Bi haütagei izan ziren ordüan, eta Laurent Lahirigoien züen herritar haboroenek haütatü. Hortarik landa erran bezala, kontseilüak aüzapeza haütatü behar züan.
Christelle Mange sohütarsa gazteak Mauleko herriko etxean lan egiten dü kültür teknikalari gisa. Oraitik aitzina, bi herriko etxeetan lan egin beharko dü.
Entzün Christelle Mange :

: Politika; 2010 Apirila 29; Agerraldiak: 2220

Bi deialdi maiatz leheneko

CGT eta FSU sindikatek bat egiten düe aurten Maulen, departamentü mailako hitzarmenen arabera. 10.30tan eman düe hitzordüa Mauleko zerbütxü günean, hitz hartzeekin lehenik, eta segürrenik manifestaldi batekin ondotik.
Entzün Louis Labadot :

LAB, ELB, Solidaires, NPA eta Collectif d'action de Soule taldeek berriz, 11etan ezarri düe hitzordüa Mauleko kürütxe xurian. Hor ere, bildü ondoan manifestaldia abiatüko da, poteo batekin ondotik eta bazkaria eginen da Zinka ostatüan.
Entzün Ekaitz Mazusta :

Azkenik, maiatz lehena bestaz ürrentzeko, kontzertu bat izanen da Zinkan Les Boulenvrac, Meskall eta DJ batekin.

: Politika; 2010 Martxoa 21; Agerraldiak: 2147

Bigerren ützüliko emaitzak

Eskualdeko haüteskundeetako bigerren ützüliko Xiberoko emaitzak ondokoak dira :
Zerrendetan izena emanik : 11 129
Parte hartzea : % 57,07
Alain Rousset : % 47,93
Jean Lassalle : % 33,24
Xavier Darcos : % 18,83

Entzün antenan hiru zerrendetako ordezkarien ihardokitzeak :
Alain Rousset, sozialisten zerrendaren izenean (Front de Gauche eta Europe Ecologiekin batean) Jacques Herrera :

Jean Lassalle, Modemeko zerrendaren izenean, Mixel Arrantzet :

Xavier Darcos, UMPko zerrendaren izenean, Olivier Carrasco :

Eta emaitza güziak ikusi nahi badütützüe, herriz herri, klika heben.

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

EHko 100 mendi 100 urteen ospatzeko

2024 Apirila 26Kirola

Euskal Mendizale Federazioaren 100 urteen kari hainbat hitzordü badirate urte osoan. Dagüna neskenegün hontan, 100 mendi tinietan hitzordü emanik beita, hala nola Orhin. Hitzordü...

Hats berri bat Aitzindariak alkartearentako.

2024 Apirila 26Kultura

Bülegoa berritü bezain zale, dinamika berri bat sortü da Aitzindariak dantza alkartean.2006 izan zen Aitzina Pika ikusgarriaren jarraikian, 2025urtean Aitzina Biga izeneko ikusgarr...

Etxaltez etxalte paseatzeko parada

2024 Apirila 25Laborantxa / Üngüramena

BLE eta CIVAM alkarteek 5. aldiko "Etxaltez etxalte" egünaldia antolatzen düe igantean apirilaren 28an. Goizanko 10 orenetarik arrestiko 5etara bio etxalteek batzarri eginen deizüe...