XÜXENEAN ENTZÜN

Soziala - Osagarrigintza

2015eko Telethon-aUrte oroz bezala, Telethon-a horra da, abentüaren 3an. Haatik, beste urtez Basabürüan kantaldi bat antolatürik zen. Aurten ez date, zeren eta ostirale hontan berean beste kantaldi bat antolatürik beita Santa Grazin erre zen etxearen sustengüz. Abentüaren 3an, ebilaldi bat antolatürik date, Atharratzeko plazan zernahi libertimentü badatekealarik. Oritaraz dezagün Genethon BIO Pro laboratorioak ikerkak egin ditzan egiten direla sos eskentzeak. Bena jakin behar da dohainak oro zergetan elkitzen ahalko direla. Arnaud Villeneuve :

Restos du Cœur edo Bihotzeko Ostatüan izenak emaiteko epea edo artea hasirik da. Lagüngoa ukeiteko züzena badenez jakiteko, kasü emaiten düe galtazaleek zer sos sartze eta elkitze badüen. Halere arrenkürantek  ardüradünengana joan behar düe, kasü bakoitxaren arabera erabakitzen beitüe. Igaran üdan, 73 jente lagüntürik izan dira, eta 16.000 apairü beno haboro partekatü dütüe. Hots, galtazale geroago eta haboro bada, süstut erretretadün eta haur hanitxetako familien partetik. Halere, ardüradüner üdüri zaie erretretadün, berexirik diren gehitü eta ikasle hanitx ez direla ausartzen lagüngoaren galdegitea. Hortarako, ahalkea baztertzeko kanpainak egin gei dütü Bihotzeko Ostatüak. Stephanie Martin-de-Sousa eta Emile Tardan alkarteko ardüradünak :

Urtoroz bezala, Bil Xokoak sagarrardu gaüaldi bat antolatzen dü neskenegün hontan (2016/11/05) Integrazio Batzordearentako. Hogeigerren Aldiko Usurbileko zonbaiten lagüntzarekin sagarrardu aihari hon batez gozatzeko parada badate. Jan eta edateaz bestalde, kantatzeko parada ere badate: Oilarrak, Johane Bordaxar  bere taldearekilan, besteak beste. 150 aihari baizik ez dira adelatüko, hortarako izenak lehen beno lehen emaitea hobe. 25 eurorentako date gaüaldia Izenaren emaiteko 05.59.28.31.17 edo 05.59.28.17.57. Hitzordüa arratseko 7ak 30tan da, Urdiñarbeko oroen gelan.
Jean Jacques Etxeberri Llargo :

Argazkia : Jean Louis BelhartzPitzgarri alkartea ez da ohizko inganiolekü bat. 6 eta 24 urteren arteko gazteen algarganatzea dü helbürü, mündüaz eta beren arrenküretaz mintza ditean. Hori deikü argitü Beñat Etxebest lehendakariak, alkarteko biltzar nausiaren paradan. Fedea ez badüe baztertzen, Pitzgarri ez da baitezpada, eliza ofizialaren ildotik ebilten. Egünko egüneko mündüan kokatürik izatez, gazteen beldür eta arrenküretaz, mündüaren gorabeheretaz, bena bai eta ere gizaldi baten errealitateaz, hala nola, abortü edo preserbatiboaren erabilpenaz, hitzegiten düe, besteak beste. Pitzgarriko gazteak alkartzen dira asteazken eta ostegünetan, eta opor denboretan, egonaldiak ere antolatzen dütü alkarteak. Beñat Etxebest :

Bular emaitearen mündü mailako astea zen aintzineko astean. Horren kari Donapaleuko ospitalean egün bat antolaturik da azaroaren 3an arrestiko 2ak 30tan. Egün hortan informazioa trükatüko da, hortarako interesatürik diren oro kümit dira, izan ikasteko ala aholkü emaiteko. Xehetarzünak emaiten deizkü departamenduan ama eta haurren zerbütxüan lan egiten düan
Maritxu Negeloua-k :