Biltzar nausi baikor bat egin dü Xiberoko kürütxe gorrien alkarteak.
Aintzineko urtean 30 lagüntzale  balin baziren aurten 41etarat igan dira.  Aijago ariko dira proposatzen dütüen aktibitate, formakuntza edo lagüngoaren plantan ezarteko.
Sosen aldetik ere, nahiz eta sos lagüngoak apürtü diren, lehen bezain beste eman düe beharretan direner.
Azkenik dagün urteko berritarzün zonbait badütüe. Erakasleen taldeak ikasleen lagüntzen jarraikiko dü eta azterketak prestatzen lagüntzeko talde bat gehitüko da, izan eskolako azterketa  edo lan edireiteko.
Bestalde jarraitzen düe müble, jauntsi edo beste gaüza saltzen beren egoitzan, hots Mauleko ospitale kantüan.
Xehetarzünak Catherine Hameles-Madranges eta Chantal Gillettekilan :

Düala 100 urte sortü den Atarratzeko ospitalea edo ontsa erraiteko Sain antoni etxearen azken partea berritürik izanen da.
Eta ez dira lan ttipiak eginen, miliu bat eta 200 mila euro inbestitüko beidira.
2000 urteaz geroztik 7milu euro jadanik inbestitürik izan dira San Antoni etxean osagarri normetan ezarteko.
2017an ürrentüko dira lanak.
Lan horietan txapelaren günez kanbiatzea eta bastimentü parte barriatzea badira, eriek paseatzeko güne bat üken dezen kanpoan.
San antoni etxea alkarte bat da eta 66 ohe propostazen dütü zahar etxean eta 15 eri ohe kasik beti beterik direnak.
Orotarat 50 bat langile joanarazten dütü.
Atarratzeko San antoniko lanak lagüntürik izanen dira bena orai danik dei bat zabaltzen düe sos lagüntza eman nahi düen orroer.
Lanek ez lüküe zerbütxüak hanitxez emendarazi behar 60bat euro hilabetean.
Arnaud Villeneuve Atarratzeko mera eta Sain Antoni etxearen züzendaria:

Collectif souletin izeneko alkarteak xiberotarrentako bere zozial lana jarraikitzen dü.
Bere aktibitate haboxeak ohartarazi dütü bere biltza nausian.
Parada hortan, bilan baikorra eginik izan da.
Bada orai urte bat Odile Jungas animazale berriak joanarazten düala integrazio eta familia arteko aktibitateak.Horien artean : sükaltatzeko dendatzeko eta bizikleta arraberritzeko atelierrak, eztabaidak, baratze kolektiboak eta beste hanitx.
Beste aktibitate nausia da eskentzen düen zari eta erosketen egiteko parada prezio merkean.
Hortaz gozatzeko behar da halere baldintza zonbait bete.100 bat familia hüllantzen zaüe eta orotarat 27 tona janari banatü dütüe egiten düen bilketa edo janari bankari esker.
Collectif Souletin alkarteak blog bat eta facebook bat badü ere orai beren aktibitaen aijago hedatzeko.
Odile Jungas: 

Olorueko ospitalean, reanimazionea eta amategia  zabalik etxekitzeko biltzarre bat egin da, langile,  leküko hautetsi, bedezi eta herritarrekin.
130 bat jenteen parte hartzeak erakutsi dü arrenküra gaitza zela kartielarentako ospitale hortako zerbütxüen zerratzea; ez dira bilküra hortan denak ber abiseko agertü, ospitaleko bedezien ordezkariak, argiki erran düe amategiak eta reanimazioneak ez züela holako baldintzetan jarraikitzen ahal. Bedezi eskaza da eta ihure ez da nahi jin Oloruerat , audela, azken urtean 14 bedezi joan dira ospitale hortarik.
Halerik ere, langile, haütetsi eta herritarrek ahalak oro egin nahi dütüe ospitalearen salbatzeko, Akitaniako osagarri ajentzia eta ministerioarekin biltzarre bat egin beharra düe lehen beno lehen.
Biltzarre hortan entzün da ere amategia eta reanimazionea larrazkenean Pauerat eramanen zirela, oranokoan ez da baieztatü ofizialki.
Michèle Etchebarne langileen ordezkaria: