- Soziala / Osagarrigintza
- Agerraldiak: 1897
Ahalmen ürriko haurren süstengüz, Sagardo aiharia Urdiñarben.
Sagardotegi aiharia antolatzen dü Bil Xokoa alkarteak, Usurbilko sükaltarien lagüntzarekin, Seaskako Integrazio Batzordearen alde. 13 urte egiten dü orain Integrazio Batzordea sortü zela, ahalmen ürriko haurrek ere, ikasketak "normaltarzün" osoan egin dezen. Gaur egün, ahalmen ürriko 40 bat haur eskolatzen dira ikastoletan. Haien lagüntzeko, AVS edo hezitzaileen beharra bada bena maleruski hezkunde nazionalaren gain izan behar dena integrazio batzorearen gain baratzen da hein handi batean. Sos beharreri bürü egiteko ekitaldi desberdinak antolatzen dira urte oroz eta eskualde ezbardinetan. Azaroaren 16 hontako Sagardo Aiharia ildo hortan kokatzen da. Leküen etxekitzeko oraino deit dezakezüe 05.59.28.31.17 edo 05.59.28.17.57 telefono zenbakian.
Dominique Idiart Integrazio Batzordeko kidea :
Berogaine-Lahüntzeko Bixta-Eder laborantza lizeoko, "Jenter eta Lürralder Zerbütxüak" saileko ikasleek, Xiberoko adinetakoekin olerki eta kantore arrestialdia antolatzen düe egün, Maule Baitha zine gelan arrestiko 14.30etan. Gazte ikuspegitik, zahartarzüna aipatzen düen olerkiak haü tatü dütüe. 15 bat olerki irakuriko dütüe musika eta kantorez lagüntürik. Ondotik Atarratze eta Mauleko adinetakoen etxeko kideek, animatzailekin kantatüko düe. Kümita deneri lüzatürik da.
Aste Urdina hasi da astelehenean Xiberoan. Xenda alkarteak hitzordü andana bat proposatzen deikü azaroa 21a artino, adinetakoen arrenküren aipatzeko eta gizaldien arteko harremanen builtarazteko. Asteazken hontan arrestiriko 14.30etan, Mauleko zerbütxü güneko Ahüzki gelan, trikotatze eta kroxetaren tekniketaz arrestialdi berezia iraganen da, oroer zabalik eta dohainik, helbürüa delarik jakitatearen iganaraztea belaunaldien artean. Gaüan aldiz 20.30etan Irati salan, oraiko familietan, adinetakoen leküaz eta ekarpenaz mintzatüko dü, Marie Josée Sibille psikologoak. Kari hortara, "Grands Parrains" alkartearen presentazionea eginen da. Azaroaren 14ean arrestiko 16etan Maule Baithan, "Cohabiter à mon âge" Rémi Bateau-ren dokümentala hedatürik date. Azaroaren 21ean Atarratzeko San Antoni etxean, atelier bat proposatzen dü Xenda-k, erorikoen saihesteko nola egin ikasten ahalko da.
Xenda alkartearen desegitea erabakirik izan da asteartean egin den ezohizko biltzar nausian. Abentüaren 31an gaüzatüko da erabakia. Deliberoa, Departamentüko Konseilü Orokorrak pentsatü düan adinetakoen “Autonomia” poloaren berantolaketaren ondorioa da. Hebentik aitzina zerbütxü güziak Oloruen zentralizatüko dira eta Xiberoan permanentziak baizik ez dira izanen, Maule eta Atarratzen. 
Pitzgarri elkarteak sekülako arrakasta dü.Iragan ostiraleko biltzar nausian, urteko bildüma egin da eta ondoko urtetako xedeak aipatü dira.Sosen aldetik, 2000 euroko kontü baikorarekin ürrentzen dü urtea. Animazionen aldetik, bakantzetako egonaldiak baldin badira animazio nausiak, beste franko ere eskentzen dütü. ACE bezalako aktibitateak antolatzen dütü Maulen düan bere egoitzan. Adinen araberan lan taldeak antolatürik dira. Kolegioetan ere joaiten dira Pitzgarriko langileak. Nahiantak oro honartürik da. Hor da agertzen arrakasta handia, gazteak laket beitira mintzatzen lan taldeetan. Beste elkarte frankoekin ere lan egiten dü, hala nola Euskaldün Gazteria, Kürütxe Gorria edo Azia-rekin. Dagün urtean ber aktibitateak gei dütü proposatü. Halere gazte zonbaiten txerkatzen ari da elkarteko bülegoan sartzeko.