Mürrü apaintzea eginik izan da Atarratzeko San Antoni zahar etxean. Monique Peytral artistaren lagüngoarekin, San Antoniko adinekoek eta Atarratzeko kolegioko 6.eko haurrek düe lan hori eraman.
Apaintzeko gogoa poesia batetik jin zaie, Astobelarrari (chardon) bürüzko poesia bat. Hortik abiatürik, mürrüan bazterrak ageri dira, izan kabale ala belardi; oro kolore biziekin. Monique Peytral tintatzailearen arabera koloreekin txostakatzea terapia mota bat da adinekoentako bena gaztentako ere.
Bada bi urte Monique Peytral San Antoni zahar etxerat horra dela, xede ezberdinentako.
Isabelle Betachet, atarratzeko san antoni  zahar etxeko animatzailea :

Lehen aldikoz "Défi famille" lehia plantan da Xiberoan, Xibeberoa herri elkargoak antolatürik. Familia bakotx, energia gastatzea eta hondarkin metatze ttipitzea düke helbürüa. Hortakoz ikusiko düe 5 hilabetez, zonbat energia gastatzen eta hondarkin metatzen düen. Eta ondotik konparaketa bat eginen düe  aintzineko urtearekin.
5 eta 10 familien arteko taldeak eginen dira, eta lehia beren artean dateke.
Izen emaitea azaroaren 28a beno lehen egin behar da. Hortako joan www.soule-xiberoa.fr webgüneala. Xehetarzünentako 06.82.25.35.6806.82.25.35.68
Bertrand d’Hulst, Xiberoa herri elkargoan energiaz arduradüna:

Haurren aktibitateak proposatzen dütüan Pitzgarri elkarteak 20 urte beteko dütü aurten !!
Hona zer jakin den, besteak beste, bere iragan asteko biltzar nausian.
Administrazio kontseilüko eta haurren aitetama andana batek beren süstengüa ekarri düe bilküran parte hartzez.
Urte hona izan da audela, 160 kide üken beitütü aurten elkarteak, hots, iragan urteari konparatüz emendatze ejer bat.
Urtean zehar egonaldi, gaüaldi, eztabada edota arrestiak antolatü dütüe animatzaileek lagünzale zonbaitekin.
Bi animazaile dira Pitzgarrin: Lucie Aguer eta Babeth Elizondo.
20 urteentako egünaldi berrezi bat gei düe antolatü bena ideiak balin badütüe, ez da orano finkatürik zer egünetan datekian.
Lucie Aguer eta Babeth Elizondo:

Haurra elkarteak ttipien eta handientako txostagailü merke saltze bat antolatzen dü, Mauleko parropia gelan, azaroaren 7an, hots neskenegünarekin.
Bada urte zonbait arrakasta hanitx düan merke saltze hori egiten düela ; txostagailü, jokü, libürü eta holakoer bizi berri baten emaiteko. Saltzaleek ez dezen egüna « gal », Haurra elkarteko eta beren laguntzaileek dütüe dena eginen.
Saltzeko interesatürik bazide, denak mezperan ützi beharko dütützie goizanko 9ak eta gaüko 7 artean. Ez badira saldürik izan, arra hartzea azaroaren 9an eginen dateke berriz ere mauleko parropia gelan.
Michèle Aizager Haurrak elkarteko presidentarekin elhestatü da Ximun uthurralt :