XÜXENEAN ENTZÜN

Soziala - Osagarrigintza

Etxeetako artatze zerbütxüetan ari diren sindikatek deiadarra jo düe, beren ofizioen zailtarzünak ezagütarazteko. Etxez-etxe ari direnen arrenkürak zenbakietan ere agertzen dütüe : 10 000 lanpostü desagertzeko püntüan, 100 egitüra ezberdin desagertürik eta beste 400 (alkarte edo beste) zailtarzün gorrian. Hortan izatearen zergatiak hanitxak dira, bena bereziki zerbütxü oren baten prezioa aipatzen da, eta prezio hortan estatüak eta departamentüak bere gain hartzen düen parte ttipia. Argiki erraiteko, alkarte batentako lan orena 18 eurokoa delarik, erakunde püblikoek bere gain hartzen dütüe 17 euro. Departamentüaren arabera ezberdintarzünak badira halere. Estatüaren partetik berriz, geroago eta parte hartze apalagoa da.
Egoera horri burü egiteko, 100 miliu euroko sos zione baten ezartea galtegin dioie estatüari, eta bestalde, departamentü güzietan ber baldintzak izatea.
Entzün David Duizidou, ADMR alkarteko eskualde lehendakaria :

Ehün bat ikasle dira Sohütako lizeoan Chatel erreformaren kontre altxatü direnak. Iragan ostiralean (abentüaren 18) hasi ziren manifestaldi batekin, Mauleko beste lizeoetako ikasleak bildü nahian. Champotik hasi ziren eta han zonbait adixkide berenganatü, eta San Frantsesen berriz arrakasta güti kausitü züen. Hots, ez ziren antolatürik. Egün berriz (abentüaren 16), Sohütako lizeo aitzinean sü bat piztü düe hotza ez dadin traba izan, eta edari beroak ere badütüe.
Erreformaren helbürüarekin ados dira, erran nahi beita gazteak hobeki orientatzea eta zailtarzünean diren ikasleen lagüntzea, bena hortarat heltzeko gobernüak haütatü düan bidea salatzen düe.
Entzün Lucille, ikasleen bozeramailea :


Entzün Zachary, ostiraleko mobilizazioaz :

Zachary Xiberoko Botzaren mikroanSü bazterreanLucille Xiberoko Botzaren mikroan

Bihotzeko ostatüak edo Restos du Coeur delako alkartearen negüko kanpaina laster hasiko da (abentüaren 7an). Coluchen bidea hartü düenek bi permanentzia eginen dütüe dagün astelehenean eta ondokoan (azaroaren 16 eta 23) Mauleko sühilzaleen egoitza ohian. Iragan urtean jadanik, apairü horien beharrünean zirenak bikoiztü ziren aitzineko urtetik.
Entzün Norbert Olagarai :

Lokotin, Kamerunen, osagarri arrenküra handiak badütüe (bereziki Ihesa edo Sida eta paludismoarekin), eta ahal güti erien artatzeko. Christian de Gaye (argazkian erditan) Mauleko sendagileak hanko egoera ontsa ezagützen dü, eta ontsa badaki osagarri mailan zertan diren lehentarzünak. Erran behar da bere alkartea (Les Chemins de Lokoti) Kameruneko beste alkarte batekin ari dela alkarlanean. Gisa hortan, afrikarren galtoer ihardetsi nahian ari dira lanean heben.
Jadanik joan-jin bat beno haboro egin düe, sendagai, preserbatibo eta zernahi tresneria eramaiteko. Bena xede handiena Lokotiko osagarri zentroaren arraberritzea izan da. Aurten adibidez, zentroan sistema elektrika fidagarria ezarri düe, argi indarra joaiten beitzen arteka.
2010eko xedeetan, aipagarriena delako "container" baten igortea izanen da, Mendikotatik Loktirat, sendagai eta materialez beterik. Bena gaüzak igortea lagüntzaren parte bat besterik ez da. Leküan leküko elkibideak ere txerkatzen dütüe. Hur pützüak ala ütürriak eraikiko dütüe, eta bedezi eta erizainak Afrikarat igorriko dütüe leküko jenteen formatzekoa. Informazio haboro beren web günean, heben klikatzez.
Entzün Christian de Gaye :


Lokotiko informazio haboro badüzüe bideo hontan :
{youtube}Rui0b1ZSA4w{/youtube}

Terre Verte alkartea prentsaren aitzinean agertü da aste hontan Donapaleün. Sarrikotapeko alkarteak ahal düan güzia egiten dü Bil ta Garbi sindikatak haütatü bidea okerra dela egiaztatzeko. Aipatü gabe izan ziren bilküra eta manifestaldi ezberdinak, 2008ko herrietako haüteskundeetan,Terre Verte alkarteko kide den Laurent Etcheberry aüzapez izendatürik izan zen.
Azken denboretan, Sarrikotapeko alkarteak lan berezia egin dü ondarkinen berexketaz. 20 familia haütatü dütüe, denak bolondresak, eta ondarkinak berexi eta pezatzea galtegiten zeie. Erran behar da lau familientako pezü izan dela, eta esperientzia ez jarraikitzea deliberatü düela. Haatik Terre Vertek esperientzia hau eraman hiru hilabeteen bilan baikorra egin dü aste hontan. Dio berexketa "behar bezala" egiten delarik, azkenean gure ondarkinen %11 baizik ez dela zikinontzian atzamaiten. Esperientzia honen beste alde baikorra jenteen ohidüren kanbiatzea izan dela azpimarratü düe.
Entzün Laurent Etcheberry, Sarrikotapeko aüzapeza :