XÜXENEAN ENTZÜN

Kirola

Xiberotarrak lasterkari taldearen fama huna  hedatzen ari da !

Arrakasta geroago eta haboro, 44 lasterkarietik kasik 60 etarat igaran beitira urte batez. Urte oroz antolatzen düen “Xiberoko üngürüa”-k ere inportantzia handia dü klübarentako, denbora eta inbestizamentü hanitx galtatzen beitü bai sosez eta bai lanez. Bena lasterkaldi horren antolatzea beharrezkoa da klübaren itxürarentako ohitarazirik izan da biltzar nausian. Bi urtetarik beren 5 etapak kanbiatzen dütüe ere, eta dagün urtean kanbio urtea da jüstoki. Berrietan bülegoa berritü da ere hiru sartze berriekin. Maylis Houret alkarteko kidea :

Gaitzeko sasua eginik, pausa gütti Mauleko igeslarientako.

Aste hontatik aitzina urte osoan trebatzen jarraikiko beitüe. Orai arte emaitza izigarri honak bazütüen üdan baizik ez aritzez. Ordüan esperantxa da dagün üdako emaitzak hobeagoak diratekeala. 2011an igeskagia berria plantan jarri ondotik emaitzak urtez urte hobetüz doaz ; hola jarraiki behar lüke astean 3 trebaketa eginen beitütüe. René Castel trebazalea :

Camille Lopez Japoniatik sartü da

Igandean Frantziako zelekzioneak bere final laurdena galdü dü, eta etxerat sartzeko mementoa da xiberotarrarentako. Partida oroetan sartü da Camille eta bere ekarpena egin dü, izan multxoko partidetan Argentina eta Ameriketari kuntre. Dezepzione gaitza izan da Galeseri kontra galtzea, bena esperientzia osoki bizitü dü Camillek, mentüraz bere azken partida beitzen Frantziako zelekzioarekin. Azaro hatsarrean arrahartü behar lüke Clermont-eko taldearekin. Camille Lopez:

Zesta Puntak telebistaren interesa pizten dü !

Bada urte zonbait jadanik Canal + telebista kateak proposatzen dütüala zesta puntako partida zonbait. Erran behar da egiazki telebistarentako hun den kirol bat dela ikusgarri beita eta zaletarzüna sortzen dü. Hartakoz, Maule, Garazi, Donibane Lohitzüne, Paue, Hossegor, Bordele eta Miarritze bezala, haütatürik izan da “pro tour” txapelketa hortako etapa baten izateko. Pelotakari hoberenak bena ere hoberenetan sartzeko heinean lizatekeana bildüko dira bi saldoetan: elite 1 eta 2 Maulen azaroraren 1, 2 eta 10an izanen dira hitzordüak final erdientako eta finala handientako. Beñat Negeloua :

Atarraztar bat mündüko 10 hoberenetan !

Beñat Marmissole Atarraztarra mündüko seigerrena da trail skyrunning txapelketan. 21 eta 70 kilometren arteko lasterketak dira petigoa gaitzekin skyrunning delako txapelketan. Düala bi urte bere ebilbidia abiatürik, bere Frantzia heineko emaitza huneri esker, sasu xuri bat bizitü dü Beñatek. Aurten aldiz lehen postüak baizik ez dütü ikusten, irabazle Bulgarian edo orano bigerren Italian. Sasua atzo ürrentü da xiberotarrarentako eta mündüko seigerren ürrentzen dü profezional hanitxen aitzinean. Beñat Marmissole :

Ausaz

Kronika

Emankizüna

Artxiboan