Maulek federal 1a arratzamanen dü dagün urtean!! Gaitz izan da bena “Salles”ko taldeari gainea hartü düe, xiberotarrek bortxaini irabazi beitüe 12-9 jineko partida atzo, joaneko partida eraman ondoan 22-19. Orai ondoko itzülia final laurdenak izanen dira Issoireko taldeari kuntre. Huna partidatik landa entzün diren oharrak:

Gure kirol magazina jarraikitzen direnek entzün düe astelehenean : Gilen Queheillek Colomiers-ko bidea hartzen dü!! Bordele, Tarbes eta Albi-tik igan ondotik, azken bi urtetan Lavaur-en izenpetü züan Federale 1an. Federale 1ko Frantziako txapeldüna izanik Lavaur –ekin orai berriz profesionalen abentüran sartüko da. Colomiers pro d2ko klub bat da, bena ez dü orano bere leküa segürtatürik dagün urteko. Gilenen ustikatak eta jokatzeko manerak professional klub bat beno haboro begixtatü dü izan Castres ala Nevers bezalakoak. Orai, sasoaren untsan ürrentzeko inbera dü Lavauretik espiritira libratürik joiteko Gilen Queheille:

Xiberotar herroak dütüan Cyril bARTHE « Euskadi Murias » taldeko lasterkariak bere bigerren profesional urtea abiatü dü. Lehen urtearentako, frantziako 23 urte peko txapeldüna izan da eta clasica San Sebastian professional klasikan eskapian agertü da Aurten, konfirmatzeko xedearekin da, eta bere xede nausia da Españako Vuelta lasterkaldian parte hartzea, jakitez Donapaleutik etapa bat partitzen dela aurten. Aste huntaN hein goreneko “World tour” Turkiako itzulian parte hartzen dü eta bigerren etaparen 10gerren leküa hartü dü. Ondoko astean “Fleche Wallone” lasterkaldia lehentze kurrtüko dü motibazione handi batekin, zertako ez ezkapian hartzeko berriz ere Cyril Barthe:

190 lizenziadün , 100ko 25ko emendatzea aitzineko urteari kunparatüz !! Orai arrenküra da trinket libre eta lagüntzaleen atzamaitera gazte horien hobetzeko. Eskü hüxkak arrakasta gaitza badü, ez dira beste modalitateak hain untsa joiten. Zesta puntak sufritzen dü eta hartakoz alde hortarik indarrak eman nahi dütüe Emaztetan « pala »k arrakasta gaitza dü eta urte oroz gazte haboro hüllantzen zaüe. Urrentzeko dinamika eder horren jarraikia erakusiko dü üda huntako pelotaren aste nausiaren batzarriak. Euskal Herrian lizenziadünak apaltzen badira , Xiberoak ez beitü deüje bestik bezala egiten, arrapizten da Cedric Samalbide elkarteko bürüa: