Doi bat sasuz kanpo hasi gatik, Xiberoko Ikastoletako Ikasle Ohiek antolatü maskaradak sürprisa zonbaitekin agertü dira bazko egünean Hokiko plazan. Haboroenik preziatürik izan dena izan da, eüskararen presentzia zabala. Arizale güziak eüskaldün izatez, joküari aberastarzün bat ekarri dü, bereziki beltzeriaren arteko joküan. Beste sürprisa izan da, motiko eta neskatilen arteko nahasketaren kausitzea. Neskatilak, beltzerian kargü nausien eramaile izatez, perediküen zentzüa kanbiatürik izan da. Betiko gordinkeriak bazter ützirik, gizon emazteen arteko harremanak aipatürik izan dira, besteak beste eta gei honek erreakzioneak sorarazi dütü soegileen artean. Dagün maskaradak martxoaren 15ean Urdiñarbe-Muskildin gainti dirate, 22ean Barkoxen, 29ean Lexantzün eta maiatzaren 6an Gamere-Zihigan.

Entzün maskaradatik landa hartürik lekükotarzünak : 

Apirilaren 8 hontan hasiko dira Xiberoko Maskaradak. Aurten, herri batek ez beitü beregain hartü, Xiberoko Ikastoletako Ikasle Ohien alkarteak deliberatü züan ihaute denborako jeiaren beregain hartzea. 30 bat lagün bildü dira 2012ko maskaradan eta 5 igante programatü dütüe apirilaren 8 eta maiatzaren 6en artean. Hokin hasirik apirilaren 8ean, ondotik, Muskildi-Urdiñarbe 15ean, Barkoxe 22an, Lexantzü 29an eta maiatzaren 6an ürrentzeko Gamere-Zihigan. Bestalde, Muskildi Urdiñarben bildürik datekean sosa Nafarroako Lodosako Ibaialde ikastolari emanik izanen zaio. Plazetako lanaren aldi orai eta biba Maskaradak !

Entzün Bettan Bordagarai eta Joanes Etxebarria maskaradakariak : 

Xiberoan dantza galdüko dea ? Nahiz eta ez den galdüko, dantzarien heina apaltü dela ezin da ükatzen. Aintzindariak alkarteak Xiberoko 14 herriko dantza taldeak biltzen dütü eta penagarri atzamaiten dü gazte haboroxenak 17 urtetan üzten düela, jakitez adin hortarik aitzina dela dantza hobekienik ikasten. Dantzarien gogoaren etxikitzeko, mundüko dantzak biltzen dütüan festibal batetan parte hartzeko xedea düe. Horrez gain, 2011an Aintzindariak ekitaldi ezbardinetan parte hartü dü, Korrikan, Xiberoan Eüskaraz Bai bestan, Olentzeron, Haur Kantu Txapelketan eta Dantzari ttikin. Azkenik, Xiberotar dantzak beste probintzietako dantza eskoler erakustea edo ez aipaturik izan da eta algar trükatzea, hebenko dantzarientako aberats beitlizate beste dantzen lantzea.

Entzün Aines Aguergaray Aintzindariak allkarteko lehendakaria : 

Eüskarari Bai, Ikerzaleak alkarteak eüskarari lekü haboro eginen deio bere ekintzetan, hau jakinarazirik izan da bere biltzar nausian. Xiberoan Eüskaraz Bai alkarteak antolatü züan "Eüskararen Egünean" parte hartü züan iragan urtean eta ber ildoan sortzen dütüan erakuskak elebidünak izan dira. Urte ondarreko « Xiberoko Lürrak » erakuska berria prestatzen ari da alkartea eta elebidüna izanen da. Beste xedeetan, lan handi bat bürütüko dü alkarteak Bouchet deitü kolekzionearekin. Azken urteetan, ikerlari talde batek kolekzione hortaz eraman düan lana libürü batean bildüko da.

Entzün Robert Elissondo Ikerzaleak alkarteko bürüa :