XÜXENEAN ENTZÜN

Kultura

Kantaldiaz botzik!

Xiberoko Botzak antolatü dügün "Itxaropena, Itxaro Borda kantatüz" kantaldiaz irus elki dira Itxaro Borda bera, kantari, musikalari ta behazaleak. Nahiz eta zinemagela ez zen osoki beterik, gü ere botzik gira hitzordü ejer bat emanik. Itxaro, kantari ta behazaleengana joan gitin:

Itxaro Bordaren omenez kantaldia neskenegünean

« Itxaropena , Itxaro Borda kantatüz » izeneko kantaldi ikusgarria neskenegün hontan horra zaikü. Itxaro Bordak, 5 hamarkadaz idazlan andana egin dütü eta mota hanitxetakoak. Horietan kantore paketa, izan kantariek xüxenka galteginik, ala bere idazlanetan hartürik. Azken aldian idazlearengana joanik, aldi hontan kantari batengana gira joan jakiteko zentako kantaldiala jitera honartü dian, zer dion Itxaroren kantoreetaz eta alkarrekin dutuen orroitzapenetaz. Mixel Arotce Zartantxü dugu :


Kantaldia neskenegünean 9tan abiatüko da Maule Baitha zinegelan. Lekü güti baratzen beitira, hobe düzüe Xiberoko Botzeala jinik aitzinetik erosteko.

Laida Pilotaria ikusgarria Maulera horra da

Laida Pilota, Pier paul Berçaits-ek asmatü ikusgarria emanik izanen da Xiberoan Urrietaren 26an. Parisen bai eta Euskal Herriko honenbeste günetan eman ondoan, 11 geren aldikoz eta lehentze emanen da Xiberoan. Dantza, kantore eta müsikaren bidez, pelota eta pelotakariak laidatzen dütü ikusgarriak ; Eüskal Herri osoko artistek parte hartzen düelarik. Hala nola, Gipuzkoako landarbaso abestza eta Oinkari dantza taldea, Xiberoko Xateletarrak dantzariak, Koldo Amestoy ipuin kontazalea edo ere Magali Zubillaga, zonbaiten aipatzeko. Ikusgarriaren lehen partean Topa Noka dantzari taldea ikusten ahal date. Hitzordüa ürrietaren 26-an Mauleko Jai Alaian, sartzeak hartzen ahal dira : Xibero bio-n Maulen eta Atarratzen Unimarché saltegian. Pier Paul Berçaits :

Mauvais Berger izeneko libürüa argitaratü dü Astobelarrak

Etienne Boyer idazleak bere bizi dütüan bi üda kontatzen dütü lan hortan. Artzain bezala erauntsirik, ze nolako esperientzia üken düan llabürtü dü. Horri esker bere tripako minak sendatü dütü eta beharra senditzen beitzüan idatzi dü. Sos irabaziak oro Astobelarrari eskeintzen dütü idazleak. Libürüa Xibero Bio saltegian salgai da. Etienne Boyer :

Mauleko sasu kültürala arra hasten

Mauleko kültüraldiak aitzineko urteetako arrakastaz botzik izanki üsatü bezala jarraikiko dü. Eüskal Alkargoarekin partaidetzak garatzen jarraikiko dütü, beti sos aldetik ekonomia zonbaiten egiteko xedearekin. Bestalde, azken urteetan bezala Mauletik kanpo ere ikusgarri zonbait antolatüko dütü, hala nola Ligin, Barkoxen eta Sohütan. Miarritzeko Gare du Midi gelako La Pastorale dantza ballet-arentako autobus bat antolatüko dü ere bai. Dena den libürüskak banatzen dütüe herriko etxe, saltegi eta turisma bülegoetan eta hor xehetarzünak oro edirenen dütützüe. Chrystelle Mange kültür teknikalaria :

Ausaz

Kronika

Emankizüna

Artxiboan