Kultura - Xiberoko Botza

: Kultura; 2025 Uztaila 31; Agerraldiak: 749

Malandain baleta Xiberoalat hüilantüko da Maitaldiaren kari

Setemearen 5etik 15ealat ospatüko da berriz ere “le temps d’aimer la danse” edo Maitaldia festibala. Dantza garaikidea aitzinean jarteko Malandain izeneko baletak abiarazi züan bena emanaldiak kostaldean egiten ziren. Azken urteetan harremanak indartu dütüe barnekaldeko herriekin ikusgarriak hüilanaztez. Hartako Malandain-ek partaidegoa bat plantan jarri dü Mauleko herria eta Berritza alkartearekin.

Setemeraren 12an Malandaineko eta Berritzako dantzariek negü hontan alkarrekin eman züen ikusgarria berriz emanen düe. Bestalde Mizel Tere eta Benat Achiary-ren sorkuntza berria lehentze erakatsirik izanen da Barkoxeko arrabotüan, Etxahun Topet eta pelotaren üngürüan. Berritzako Masterclass-ak harek lehen partea eginen dü Barkoxeko pastoraleko dantzariekin.

Jakin besterik badatekilan Atharratzeko merkatüan eta Mauleko plazan. Berri emanen deizüegü seteme hatsarrean.

Eloisa Ospital :

Maiana Barneix eta Pette Jaragoyhen :

: Kultura; 2025 Uztaila 28; Agerraldiak: 2217

Historia hüllanak emozioneak nasaitü dütü Barkoxeko pastoralean

Enbata mugimentüa, Ikastolen sortzea, ELB-ren sortzea, bakegileak…ÜRRATS KOLEKTIBOAK pastoralak Ipar Euskal Herriko gartazkak tauladatü dütüe igantean.
Azken 40 urteetako gatazken aipatzea haütatü düe barkoxtarrek.
Lan egiteko maneran ere hori bermatü düe elkarlana lehenetsiz: idazle gazteak, hiru errejent eta transmisionea izan dira aurtenko berezitarzünak.
Bigerrena agorrilaren 2an gaüez emanik izanen da eta azkena agorrilaren 10ean GOIZEZ.

AZKENEAN azken emanaldia goizeko 9ak30tan igaranen da. Bazkariarentako leküen hartzeko : 06 86 26 54 20
Leküak hello asso webgünean atzamanen dütützüe.
Erreportajea :

Irakurri gehiago ...

Giltzak: pastorala

: Kultura; 2025 Uztaila 18; Agerraldiak: 683

Basabürüko artistak jüntatü dira Zart-minak erakuskarentako

Zurrezko hatüak edo gaüzak, zaküak, eskültürak, zeramika mota desberdinak, argazkiak, edergailüak eta margolanak erakatsirik dira Etxahun gelan.

Basabürüko 10 artista jüntatü dira Zart-minak erakuska horren antolatzeko. Helbürüa bakotxaren sorkuntzak erakastea zen. Hüllantzen ahal da astehartetik neskenegünilat arresti güziz 15:00etarik 19:00etara eta astelehen goizez merkatü denboran.

Patxi Capot artistetarik bata :

: Kultura; 2025 Uztaila 21; Agerraldiak: 1168

Aste bat baizik ez da baratzen Barkoxeko pastorala gabe

Enbata mügimendüa, ELB-aren sortzea, bakegileak…ÜRRATS KOLEKTIBOAK pastoralak Ipar Euskal herriko güdükak tauladatüko dütü igandean.
Azken 40 urteetako güdüken aipatzea haütatü düe barkoxtarrek.
Lan egiteko maneran ere horri bermatü düe alkarlanaren lehenetsiz.
Idazle gazteak, hiru errejent eta transmizionea izan dira aurtenko berezitarzünak
Lehena igandean uztailaren 27an, ondotik agorrilaren 2an (gaüaz) eta 10an .
AZKENEAN azken emanaldia goizeko 9ak30tan igaranen da. Bazkariarentako erreserbatzeko : 06 86 26 54 20
Leküak hello asso webgünean edireiten ahal dira

Egünoroz Pastoraleko kümit bat gurekin izanen da.

Astelehen huntan Ximun Pinque aktür eta antolazale eta Sophie Larrandabürü kür eramailea:

Asteartean Annie Aguer Kanpo eta Nicole Erbinartegarai dendariak

Asteazkenean Jon Gamiottipi dantza eramailea

Ostegünean Xalbat Jauregiberri Petxi eta Kattin Galan

Ostiralean Maritxu Galan eta Aña Iriart

: Kultura; 2025 Uztaila 15; Agerraldiak: 924

Bero azkarrer bürü egiteko elki bide bat atzaman dü Ürrats Kolektiboak pastoralak

Ürrats kolektiboak pastoralak kuntatzen dütü Euskal herrian bizitürik izan diren ürratsak eta güdükak, horietan ikastolen, ELB ala untsa AEK-aren sortzea
Üztailaren 27, Agorrilaren 2 eta 10 ean emanik date Barkoxeko pastorala. Azken urte horietan bero azkarrak izan dira pastoral egünetan eta horrek jenteak geroago eta haboro lotsarazten dütü
Hori bürü egiteko aurtenko pastoralak deliberatü dü elki bide baten atzamaitea eta ondorioz bero azkarrak balin badira pastorala aitzinatürik date goizanko 9k30 etara
Pastoraleko leküak salgei dira Garat ogitegian Barkoxen, Mauleko Xirikota saltegian, Maude saltegian atharratzen eta Hello asson.

Xehetarzünak Lorie Pinque, ürrats kolektiboak pastoraleko bülegoko kidearekin :

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

XIBEROKO BOTZAK WEBGÜNE BERRIA DÜ

2025 Iraila 02Berriak

Xiberoko Botzak, Irulegiko irratia, Gure irratia eta Euskal irratiekin boti, webgüne berria dü : xiberokobotza.eus xiberokobotza.org webgüne hori gure artxiboen behatzeko baliatze...

Kanbiamenak badirate Xiberoko Botzan

2025 Iraila 01Ekonomia / Turismoa

Xiberoko Botza irratiak, bere sasu abiatzea eginen dü astelehenean. Iragan urtea, urte markagarri bat izan da egün oroz entzüngei zen arrestiri askaria emankizüna ürrentü beita. Be...

Sü ehaileek süa berriz abiaraziko düe dantza pistan

2025 Abuztua 28Soziala / Osagarrigintza

Düala bi urte, sü ehaileek Huntza izeneko müsika taldea jinarazi züen haien dantzaldialat. Geroztik, jenteak galtatü züan gaüaldi horren berriz egitea. Horrentako, bi urte berantag...