Hotza egiten züan atzo Urdiñarbeko plazan. Beharbada, hartarako da jentea bibil bibila bildü herriko plazan Maxkaraden lehen emanaldiaren ikusteko. Urdiñarbe bere üsantxeri etxekirik agertü da, plazan agertüz bi dantza talde, Beltzak eta Gorriak. Berritzera ere ausartü da, Sorgiñ talde bat ageraraziz. Hartzaren eta Pitxuren arrapizteko trebe agertü balin badira, ekologiaz ere hitz egin düe, igaraitean hazkalditto bat emanez laborari eta ihizlarier. Beltzen perediküan bero beroa den aktüalitatea ere present zen, Trump, Poutine, eta Macron bezalakoek berenak entzün beit dütüe. Jaka hoilli, eta Mediterraneoa zeiharkatzen düenen laguntzaleen Jaka laranjak ere ez dira ahantziak izan. Finitzeko, Muneiñak eta Aitzina pika eman laster batez, eta denak oxolbian sartü dira… Ondoko emanaldia, dagün igantean, Ürrüxtoin dateke.

“Poema bat da Herri hau” libürüarekin, Eüskal Herriaren gainti, bidaia fotografiko eta poetiko batetara kümitatzen gütüe, Séverine Dabadie argazkilariak eta Itxaro Borda idazleak. Bildüma hortan, “Voyelles” Arthur Rimbaud frantses olerkaria zenaren obratik abiatürik, beltzak, xuriak, gorriak, berdeak eta urdiñak dira Rimbaud-ren hizkiak, Séverine Dabadieren ehün argazkiek kolore horiek segitzen düe, beraien hizkuntza kromatikoaren araberan eta Itxaro Bordaren testuek, Euskal Herria eta bere bazterrak ikusgarri egiten deizküe. Ehün argazki, eta ehün olerki ttipi ehün orrialdeetan, libürüa, Mauleko Xibero Bio saltegian edirenen düzüe 19€tan. “Poema bat da Herri hau” hogei minütako filma bat da ere, You Tuben ikusten ahal dena libürüaren titülüa jotzez. Séverine Dabadie :

Lau hilabetez Xiberoko hamabost herrietan ibiliko dira, parte hartzen düen 50 gazteak eta azken emanaldia Gipuzkoako Usurbil herrian. Kargüen aldetik belagile saldo bat dateke berrikuntza nausia, eta aitzindari bi saldo agertüko dira. Beste sürprisentako igandean hüllantü beharko da. Lehen barrikada goizeko 9etan eginen da Chimix-enean eta azkena Herriko Etxearen aitzinean eginen da. Jeia arrestiriko 15.30etan finkatürik da. Bedekarratz :

Jean Bordachar’ek KD berri bat elki dü ILDOA izenekoa. 12 kantorez osatürik da, eta müsikalari hanitxetaz gain, beste kantari zonbaitek parte hartü düe. 12etarik 10 harek dütü idatzi eta ahaidea ediren, Jean Louis Davant-en hitzak ere edireiten ahal dira 2 kantoretan. KD’a salgai da, Xibero Bio, Carrefour eta Jean Etxart'en saltegian ; 12 eurotan. Jean Bordachar: