« Bidea » izeneko ikusgarria abiatüko da arrestiko 7tan Maule gaineko batzean. Ondotik Xiberoots reggae taldeak bere kontzertüa eskeiniko dü beti Maule gainean bena plazan 9tarik goiti Aurtenko sasoa jüstokin prentsari presentatürik izan da iragan astean 18 ikusgarri , dantza , kontzertü edo antzerki, iragan urtean beno aberatsagoa da aurtenkoa. Haboxirik dira leküko edo eskualdeko konpaniak, eta gazteer ere lotürik diren aktibitateak proposatürik izanen dira Euskal elkargoari esker Christelle Mange:

Baküna show ikusgarriaren arrakastaren ondotik beste 18 xiberotar abiatü dira dantza sorkuntza berri baten eskentzeko xedearekin. "Uda batez" ikusgarria ürrietaren 26 eta 27an emanik date Mauleko Jai Alaian. Leküak Maule eta Atharratzeko turisma bülegoetan edo beren webgüneetan baita Xibero Bio saltegian edireiten ahal dütüzkezüe. Johañe Etxebest:

Üda eta larrazken oroz bezala, ikusgarri amiagarria eskeintzen deikü txori migrazioak. Üztailaren 15az geroztik Xiberoan, jente andana bat edireiten ahal da zelüari so Organbidexkako lepoan, Larraine alde gainean. Orai artino, Miru Beltz eta Amiamokoa xuria besteak beste nonbre haundian kondatürik izan dira. Iragan astean aldiz Zapelatz Liztor Jaleak ere milaka iragaiten hasi dira. Setemere hontan, arrapakari mota güzietakoak, hogei motakoak, pasatüko dira ere, Lertxünak eta Ürsoak berantago jinen direlarik. Txorien kondaketa mila bederatzi ehün eta hiruetan hogei eta hemeretzian hasi zen Organbidexkan. Kondaketari esker, hamar urtetako zenbakiak kontütan hartürik ikusten ahal da txori mota baten garapena. Azken hogei eta hamazazpi urtetan Organbidexkako kondaketan parte hartzen düan Segio Barande-k erran deikünaren araberan, jentearen aktibitateari egokitzen diren txorien kopürüak etxekitzen edo haunditzen ari dira. Insektoak jaten direnak aldiz gibel ari dira, insektizidaren gatik insekto güttiago beita. Horren adibide argiena da Aiñeren kasik desagertzea. Sergio Barande :

Xiberoko zohardia alkarteak , bilan oso hona egin dü Oihergiko kuntearen ikusgarriaz! 3 aldiz emanik izan da eta denetan salak bete dira, azken emanaldi bat izanen da Setemearen 28 an Oihergiko trinketean. Bestalde, alkarteak joanarrazten dü dantza eskola 200bat haurrekin, 13 herrietan eta kantari saldoa ere emendatzen ari da gazte zonbaitekin. Ikusgarri hori esker indar berri bat hartzen dü alkarteak eta xedeak badütüe ondoko urteentzat, hala nula dagün urtean, 40 urte eginen dü Etxahun Iruri zentü zela eta apirila 30an omenaldi bat eginen zaio. Xiberoan, ikusgarrientako sala baten beharra badela agertü da biltzar nausian, Xiberoko Zohardiak nahi dü galtegin beste kültür alkarteer xede horren süstengatzea gero denen artean galtoa egiteko Euskal Alkargoari. Michel Castan: