Lucas Ferreira, Mauleko Euskalduna jatetxeko sükaldaria haütatürik izan da, Baionan, setemearen 8an iraganen den Poteo Gaztronomikoan parte hartzeko. Euskal Herriko beste hama hiru sukaldariekin, biazka, antolatzaileek haütatü düen atuna, gazna edo artixot bezalako ekoizpenekin pintxo bat prestatü beharko dü. Orotara gazitürik bost pintxo eta bi sükratürik jaten ahalko dütüe egükirik diren zortzi ehün jenteek, Baionako zezen plazan, goizeko 11etarik harat. Ostatüz ostatü ebilten ahal den bezala, sükaltarien mahainetik ebilten ahalko da pintxoen jastatzeko. Leküak oraidanik etxekitzen ahal dira Baionako turisma bülegoan. Peio Abeberri antolatzailea :

Aurtenko Atarratzeko besten programa salatürik izan da !! Aurten indar berezi bat eman nahi da familien aktibitatentako, hala nola indar joküak edo haurren aktibitateak emendatü diren Usatü bezala, gazna feidarekin partitüko dira bestak ostegünarekin eta igandean ürrentUko süzko zezenarekin Aste ondar hontan ere proposatzen düen hitz ordü presentatü dü auzapezak, uhaitz bazterrean faida ttipi bat plantatzen beita. Arnaud Etchebarne Ajia:

Atarratzeko dantza eskolak ehün eta hogei eta hamargerren urte bürüa ospatüko dü aste ondar hontan. Erran behar da ere Eüskal Herriko dantza eskola zaharrenetarik dela. Ospakizün horren karietara, sei generazione edo belaunaldietako dantzariek parte hartüko düe, bakotxak dantza baten emaitez. Elgoyhen, Errecaret, Laborde Solanille edo Arancet, dantzari familia andana bat eskola hortarik iragan dira. Igande 11.30etan Atarratzeko eta Otsagiko dantzariek karrikaren üngürüan eginen düe. Gero plazann Jean Michel Bedaxagar-en txülülaren lagüntzarekin beren ürratsak emanen dütüe. Pette Baque :

Belako Zaldüna pastoralak bi mila jente bildü dütü, agorrilaren 5ean, hots atzo arrestitan Maulen, bigerren emanaldian. Lehen emanaldian, ikusleak lau mila ziren. Orotara sei mila ikusle hüillantü dira Mauletarren pastoralaren ikusteko. Bilanaren egiteko mementoan, gazteen presentzia eta indarra azpimarratürik izan da. Orai maskarada plantatü nahi düe. So egile zonbaiten oharrak :