Üdaren lehen egünarentako eta musikaren bestaren kari, Radio Revolucion taldea jinarazten dü Zinka alkarteak, ühaitz bazterrean. 7 orenetarik 9-etara nahi direnek kantore zonbait emaiten ahalko dutue, instrument anplifikatuak beitirate bertan, eta ondotik taldearen kontzertüa. Taldea 2003an sortü züan Jurgi ibarretxe kantariak Londresen. Geroztik amerika latinean bizi izan delarik arra montatü züan beste musikalari zonbaitekin eta Eüskal Herrira arrajin denetik beste taldekide zonbaitekilan. Müsika estiloa reagge eta skan hasi bazen orai kunbian dira haboro oinarritürik. Xehetarzünak Jurgi Ibarretxe kantariarekin :

Aurten, 21mila ikuslek gozatü dütüe Maula Baita zinema gelak eskeini programazio desberdinak. Zinema gela batetan ikus ahal liratekeen sail desbardinak badira Maule Baithan, izan opera, fikziozko filma, haurrentako marrazki bizidün, dokümental, ala eüskarazko filmak. Filmen hedatzeaz gain, gaüaldiak ere antolatzen dira, kanpoko alkartekin jüntatzüz, ala filma züzendariak jinaraziz. Eskentzaren aldetik pikoan balin bada alkartea, sosen aldetik beti jüsto dabil. Audela, iragan urteari emanik, Akitaniako lürraldeak emaiten zütüan xüxenezko lagüntzak agortü dira, eta nahiz, Xiberoko Elkargoa ohiari beren lagüntzaren arra berritzea galtegin, ez da orano arrapostürik agertü. Hala ere elkarteak konfiantxa egiten lagüntzale izan zaitzon egitüra desberdiner… Eta finitzeko, Philippe Lalagü lehendakaria berriaren ohar bat: “Jin zinemalat, ordenagaülü batetan beno ederrago beita ametsa!” Philippe Lalagu :

Uda hontako pastorala Maulek emanen beitü, ideia eman dü Maule gaineko eskolari hen pastoralaren egiteko. Jadanik Maiatza tauladan eman baldin badüe, ostiral hontan Maule Baithan emanen düe bigerren aldikotz. Bela zaldünaren historia da kontatürik hontan, manera llabürtü batetan. Johañe Bordaxar-ek idatzirik, Johañe Etxebest eta erakasleak ari izan dira errejent lanetan. Michel Foucher-k eta Soizig Pineau-k lagüntü direlarik ere. Arramaiatzaren 22an Maule Baithan gaüko 7ak 30tan. Haurrengana joan gira :

Atarratzen asteazkenetik neskeneguna arte, Su azia alkartea eta Atarratzeko herriko etxeak, antolatzen dütüe jardünaldiak eta helbürüa da, famatürik izan diren dantzari eta txülülarien omenez beren lanen ezagütaraztea ; erakusketa, mintzaldi eta dantza gaüaldien bidez. Lehen hitzordua : - Asteazken arratsan 7 etan Atarratzeko Etxahun gelan ,soinu tresnen erakusketaren estreina. - Ostegünean arratseko 9 etan, jauziak Atarratzeko plazan gaita eta soinü. - Ostiralean arratseko 9 etan kantaldi elizan : Jean Michel Bedaxagar, Mixel Arotce, Michel Etxecopar eta Sacha Standen. Neskenegunean goizanko 9 etan mintzaldi Etxahun gelan : Aitzina Pika libürüaz : Xabier itzaina, Ion Iruretagoiena, Jean claude Larronde ,JM Bedaxagar, Benat Itoiz eta Michel Etxecopar. Jean Michel Bedaxagar antolazalea :