Arrakasta ederra üken dü Oiergiko Kontea ikusgarriak. Xiberoa Kantüz kantaldiaren formüla higatürik agertzen beitzen, kanbiamenaren ekartzeko beharra senditü züen alkarteko kideek, eta haütü hona egin düela frogatü da. Astelehen gaüan eta atzo arrestiritan, berritan beterik izan da Maule Baitha zine gela, hots 600 bat so egile beno haboro izan da bi emanaldietan. Hüillantü den püblikoak, antzerkilarien, kantarien, dantzarien eta müsikalarien trebezia preziatü ahal izan dü. Orai beste behin emanik date Oiergiko Kontea ikusgarria, maiatzaren 11an, ostiralearekin gaüko 21etan Donapaleuko St-Louis gelan. Frantxoa Caset ikusgarriaren idazlea :

Biodantza-ren presentatze gaüaldi bat antolatürik da ostiral hontan, Altzürükün. Garapen pertsonalari lotürik den dantza mota bat da; dantza beno mugimentüa delarik oinarria. Chili edo Txilen sortürik, bada 15 bat urte Europan gaindi garatzen ari dela; nahiz eta orano ez den Yoga bezain ezagütürik izan, urtez urte geroago eta jente haboro egarten düe. Dagün urtean Maulen proposatürik date aste oroz. Hortako presentatze gaüaldi bat eskeinirik da Xiberotar oroer. Lehenago eta ondotik trükatzeko denbora hartürik datekealarik. Hitzordüa arratseko 7etan emanik bada, tailer delakoa 8etan hasiko da; Altzürüküko herriko gelan sartzea kitorik delarik. Sylvain Porée :

Mendiz mendi kürrak kantaldi bat antolatzen du asteharte hontan. Lorraine esküaldeko Vibrations kürra horra da 50 kantariekin egünko Frantses errepertorioa düe emaiten. Vibrations lehentze da ariko eliza batetan eta hau Atarratzen date 4 orenetarik goiti asteharte hontan. Bestalde mendiz mendik 35 urte ospatüko dütü aurten, hortako lehenoko kantariak oro kumit dira kantaldi berezi batetan parte hartzeko. Appien Lahore Mendiz mendiko bürüa :

Berritze beharra senditzen beitzüan, alkarteak antzerki kantatü bat proposatüko dü aurten. "Oihergiko kuntea" deitzen da Frantxoa Caset Pagolarraren obra berria. 20 gerren mente hatsarrean bizitü den Frantxoa Arla laborariaren istoria kontatzen dü. Antzerki, dantza eta kantore ere badateke, Maule baithan emanen da ikusgarrian apirilaren 30an eta Maiatziaren lehenean! Frantxoa Caset :