Laborantxaren geroaz arrenküratzen den film horrentako kaiderak gehitü behar izan dira oroen sarrarazteko. Dokümentalaren ondotik eztabaida izan da filma egile eta parte hartzaileekin. Jentea oren beno haboroz egon da horren jarraikitzen. Arrakasta horrekilan ikusten da laborantxaren transmisio eta instalazioek jentea interesatzen düela. Jean Michel Barreix :

Sahel eskualdean den «Radio Nomade»-ren alde gaüaldi bat badate bihar arratsan, Maulen, Zinka ostatüan. Helbürüa ,irrati honek behar dütüan hedagailüentako sos biltzea. «Radio Nomade»-ren züzendaria present dateke, eta honek ülhüntzeko 18:00-tan, Touareg-en irratiaren inportantzia hezkuntzarentako aipatüko dü eta ber zoinüan, Niger herrialdearen errealitateaz berri emanen, jakinez, pataska andana baten erdi günea dela. 20:00-tan kuzkuz bat badate hanko jentek prestatürik, eta ondotik, 21.30-tan, kontzertü bat bi taldeekin, Guillaume Vienne « rock blues » joilea, eta gero Xiberoko talde berri bat « La Fabrique Borgnole » izen droleaz bere bürüa bateatü düana… Xehetarzünak Laurentx Etchegoin :

Lehen arkitekto bazen, erretretan denez geroz ‘enluminure’ maneran margotzen dü. Praktikaz gain teoria ere hanitx lantü dü, hots koloreak nola egin, sortü edo lantü. Xede hortarik abiatürik horra zaikü koloreetaz den libürü hori. Libürüaren argitaratzearen ospatzeko Garindaineko herriko etxean prentsaitzineko bat antolatürik zen neskenegünean.Michel Laroche-eK obra desbardinak erakutsi dütüalarik. Bestalde libürüa Fnac eta holako saltegi ezberdinetan edireiteaz gain, interneten ere ezarririk izan da. Michel Larroche idazlea :

Xiberoko hameka dantza eskoletaz gain, dantza garaikidea eta gimnastika jüntatüko dira neskenegünean Mauleko Jaï-alaïean. 3. urtea da “Müsiketadantza” hitzordüa antolatürik dela. Iragan urtean hiru hiriek baizik ez balinbazien parte hartü, aurten hameka hirietako dantza eskolak agertüko dira tauladaren gaineala. Erran bezala “Dantza Bideak” dantza eskola garaikidea jüntatüko zaüe, bai eta gimnastikan ari diren jente multxoa. Hitzordü honen helbürüetarik bata da, trebatze geletarik dantzarien elkitzea, eta jenten aitzinean lantü dütüen ürratsen emaitea, horek galtegiten düan zorrotztarzünarekin. Mauleko müsika eskolakoek deüe sonüa eginen, parade bat harientzat bizi bizian dantzariekin batean aritzeko. “Müsiketadantza” jeia, neskenegün hontan, martxoaren 3an arratseko 21:00tan Mauleko Jaï-alaïean. Johañe Etchebest dantza erakaslea :