Melodie en soule izeneko alkarteak dü hitz ordü hau proposatzen. Urte oroz egiten den beren bedatseko kontzertüan paradan, Jesus Martin Moro Donibane Lohitzuneko orga joilea eta Mixel Etxekoparek lagüntürik, Mauleko eliza alageratüko da. Arrestiko lau orenetarik goiti euskaldün müsika, eta orgarentako eginik izan diren musikak entzüten ahalko dira. Audela, ez beita eliza petik ageri, xuxenezko bideo bat proposatürik izanen da orga joilearen ikusteko. Appien Lahore Mélodie en Soule alkarteko bürüa :

Lehen arkitekto bazen, erretretan denez geroz ‘enluminure’ maneran margotzen dü. Praktikaz gain teoria ere hanitx lantü dü, hots koloreak nola egin, sortü edo lantü. Xede hortarik abiatürik horra zaikü koloreetaz den libürü hori. Libürüaren argitaratzearen ospatzeko Garindaineko herriko etxean prentsaitzineko bat antolatürik zen neskenegünean.Michel Laroche-eK obra desbardinak erakutsi dütüalarik. Bestalde libürüa Fnac eta holako saltegi ezberdinetan edireiteaz gain, interneten ere ezarririk izan da. Michel Larroche idazlea :

Laborantxaren geroaz arrenküratzen den film horrentako kaiderak gehitü behar izan dira oroen sarrarazteko. Dokümentalaren ondotik eztabaida izan da filma egile eta parte hartzaileekin. Jentea oren beno haboroz egon da horren jarraikitzen. Arrakasta horrekilan ikusten da laborantxaren transmisio eta instalazioek jentea interesatzen düela. Jean Michel Barreix :

Sahel eskualdean den «Radio Nomade»-ren alde gaüaldi bat badate bihar arratsan, Maulen, Zinka ostatüan. Helbürüa ,irrati honek behar dütüan hedagailüentako sos biltzea. «Radio Nomade»-ren züzendaria present dateke, eta honek ülhüntzeko 18:00-tan, Touareg-en irratiaren inportantzia hezkuntzarentako aipatüko dü eta ber zoinüan, Niger herrialdearen errealitateaz berri emanen, jakinez, pataska andana baten erdi günea dela. 20:00-tan kuzkuz bat badate hanko jentek prestatürik, eta ondotik, 21.30-tan, kontzertü bat bi taldeekin, Guillaume Vienne « rock blues » joilea, eta gero Xiberoko talde berri bat « La Fabrique Borgnole » izen droleaz bere bürüa bateatü düana… Xehetarzünak Laurentx Etchegoin :