Laure Gomez marrazkilariak argitaratü berri dü "Erran merran » izeneko haurrentako libürüa. Erran merran edo mardaila baten historia da. Koloretsü, ümoretsü… lehen-lehena izanen da eüskarazko libürü hau ttipientako, oherat joan gabe! Xibero Bio eta libürütegi ororetan edireiten ahal da. Laure Gomez :

Asteazkenean, Boliviako antzerki talde bat Maulera jinarazten dü « Boliviarekin alkartarzüna » alkarteak. Boliviako "Alto Teatro" konpainiak, « Peligro » antzerkia emanen dü. Ikuskizün hontan lan mündüko arrenküra hanitx aipatürik dirate. Inprobisazione hanitx badü Boliviako antzerkigintzak, eta müsika joiten düe ere. Antzezlariak espainolez ari badira, ützülpena ere segürtatürik date. Bada hilabete bat antzerki taldeak Frantzian gaindi emanaldiak egiten dütüala ; Maulekoa azkenetarik bat date. Hitzordüa asteazken gaüan Maule Baitha zinetegian, 8 orenetan. "Alto Teatro"-ren ützüliaren eramailea:

Barkoxeko herriak aurtenko üdan eman düan Dantz'haka ikusgarriaren abentüra ürrentzeala heltzen ari da: abentüaren 16an Lehuntzen emanik beitate eta azkena Maule-Lextarren abentüaren 23an. Dantz'haka barkoxtar gazteak arizale diren ikusgarri bat da, dantza, kantore, müsika, antzerki eta bideo nahasten dütüanak. Patrick Queheille ‘Kanpo'-k dü taldea eraman eta erran behar da orai artino arrakasta ejer bat bildü düala. Ikusgarriak 2 oren irauten dü eta Eüskal Herriko 3 gertakaritan hoinarritzen da: Orreagako güdüka, Matalazen historia eta Gernikako bonbardamentüa. Leküak dagün astelehenetik aitzina salgei dirate, Barkoxeko Vival, Mauleko Xibero-Bio eta Atharratzen Unimarché salgünetan. Ikusgarriaz gain, abentüra hortaz galtegin deiogü berri Patrick Queheille ‘Kanpo'-ri:

Müsika egiteko lekürik edireiten ez düen taldeen batzarrigüne balinbada, besterik ere bada: filmak hedatzen dira, dokümental eztabada gaüaldiak, bertso bazkariak edo maskaraden denboran barrikadak plantatzen, besteak beste. Azkenean erabilzaleak dü egiten Zinka zer den. Nornahik balia lezake gogoko düan zerbaiten antolatzeko. Gisa horrez, mahain-jokü edo « jeux de société » gaüaldiak antolatzen dira. Eüskal kantazaleen güne ere bilakatzen ari da, berriki hasirik, jente multxo bat biltzen beita arraheinki « a capela » kantan aritzeko. Mauleko jeietan arrakasta handia biltzen dü ere ‘Zinka' ostatüak. Haatik, güneari segida baten bermatzeko, desafio bat baratzen zaio Zinkari, 18 urte üngürüko xiberotar gazteen jinarazteko. Eta jakin behar da astebürüetan hortik iragaitearekin argi güti balin bada ere, sartzen ahal zideela…Beti norbait bada zerbaiten egiten, eta nork daki, agian züen gustüko zerbait. Zinka alkarteko Jon Foucher :