Bere diska berriaren presentatzeko, ‘Suertez' talde gazteak kantaldi bat emanen dü igante arrestiri hontan, Maule gaineko elizan. Sokorri katolikoaren lagüntzaleen artean sortü düe taldea ; orotara 17 kantari dira, denak xiberotarrak. Taldea 2016an sortü düe. Diska berria 12 kantorez eginik da, batez kanpo, denak eüskaraz. Mixel Berzaitz :

Paueko « Lagunt eta maita » eüskaldünen alkarteak 50 urteen ospatzeko ikusgarri bat emanen dü Paueko Zenith-ean. Mustrakak neskenegün oroz badütüe. Astean zehar animaziona andana badelarik Paueko eüskal etxean : Dantza, kantore eta eüskara kurtsoak, eta aitzineko astetik goiti mus lehiaka antolatzen düe. 50 urteak igaran urtean bete badütüe, Zenith-a ez beitzen libro, barantailaren 24 hontan emanen düe Bihotza Mintza ikusgarria. Oren bat beno haboroxeagoz dantza kantore eta bideoak jüntatüko dütüe 60 arizalek. Leküak salgai direla 05.59.02.09.43 zenbakialat deitzez edo Zenith-aren webgunean. Frantxoa Challet « lagunt eta maita » alkarteko presidenta :

‘Tokia' antzerki taldeak hitzordü desbardinak emaiten deizkü ondoko egüneentzat, lehena asteazken hontan berean Mauleko kasernan arrestiriko 2 orenetan. Laborantxa lizeoko ikasleek emanen düe, bi egün eta erdiz lantü antzerki eta entzün ikus botitze bat! Tokiak parte hartüko dü ere, dagün barantailako familien egünaldian, familia güziarentako joküak proposatüz. Bestalde, Tokiak, lan bat prestatzen dü, atelerietan parte hartzen düen haur eta gehitüekin, aurtenko arramaitzean ikusiko dena. . Michel Foucher :

Pastorala “Belako zaldüna” deitüko da ; hortarako libürüxkan pastoraleko bertsetetaz gain Belako zaldünaren historiaz llabürpen bat badate Joel Larroque-ek hontürik. Belako zaldüna 1709tik 1796.urtea arte bi bizi izan zen ; lehenik militar gisa 18 urtetarik aitzina, eta erretretan idazle gisa. 1738an, hots 29 urtetan kanoi mota bat asmatü züan. Bestalde 1748an euskal gerlari saldo bat osatu züen frantziako erregearen zerbütxüko, Royal Cantabre errejimentüa izenekoa. 1749an Erretretan sartürik Xiberoala arra utzuli zen eta idazten jarri. Militar aipamenetaz gain “Histoire des Basques depuis leurs origines jusqu’à 1748” izeneko libürüa idatzi züan. Audela ordünko eüskal hiztegirik handiena ere idatzi zuen hebreera, grekoa, zeltikoa, bretoiera, arabiera, latina, gotikoa, espainiera eta italierazko ützülpenekin. 1767tik aitzina Xiberoako gorteetan abokatü gisa erauntsi zuen. Joel Larroque :