Bazen urte zonbait horri pensatzen züala, eta düala hilabete zonbait ürratsa egin dü « Zoin eder den arratsean » diskaren grabatzeko. Orotara, 12 kantore, botzarekila bera edo gitarraz lagüntürik emaiten dütü bere lagünekin. Horik dira: Mathieu Uthurriborde, Nadine Elgoyhen, Dominique Bentaber eta Anne Bidalun. Jeremy Garat sohütarraren estüdioan grabatürik, Xibero Bio salgian edo Atarratzeko 'Petit Casino' salgünean atzamaiten ahal da diska hori. Lucien Larraus ‘Jora' :

Orotara,150 bat jente bildü da Alozen ostirale arratsez, Mikel Markez eta Eñaut Elorrieta artisten emanaldiaren ikusteko. « Baga Biga Higa » izena düan ikusgarriarekin ebili gira 1960. urteetik eta honarat arte, kantagintza eta egoera politikoa aipatzez. Bideo, mintzaldi eta kantoreen bidez eüskal kantagintzaren transmisionearen egitea da, bi kantarien helbürüa. Gaüaldiaz gozatü dira ikusliar-behazaleak, bi kantarien argitarzünekin ; agian kantore haboro gogo honez entzünen züen! Eñaut Elorrieta :

Berritza dantza konpainiak 20 urteak ospatzeko, « Üda batez » izena düan dantza ikusgarria emanen du 2018ko negüan. Hau da jakinarazirik izan bere azken biltzar nausian. « Uda batez » , eüskal mitologia eta tradizionetik abiatzen den balleta da ; Joana Etxartek asmatü ipuinak kontatzen dü 3 egünez igaraiten den drama bat, « Goizean goizik " kantore famatüa delarik ipuinaren haria. Orotara, 18 dantzari haütatürik izan dira, denak Xiberoko dantza eskoletakoak ; koregrafia eramanen dü Fabio Lopez Miarritzeko dantzariak ; taulada moldadüraz eta jauntsietzaz ardüratüko dira, berriz, Juana eta Ddiddue Etxeberri, müsikaz, aldiz, Andde Irabarneko Lankian Bermagian sala bat antolatürik dateke trebatze horientako. Dominique Espil Kompany Beritzako bürüa: Joana Etxart eta Ddiddue Etxeberri « Üda batez » ikusgarriaz:

Urtarilaren 7an düe lehena emanen, eta « Hur Xenda » azken ikusgarrien ondotik, hots ürrietatik goiti, bertan lotü dira maskaraden prestatzeari. Orotara, 16 jelkaldi eginen dütüe Xiberoan gaindi. Maskarada horietan, 35 bat gaztek parte hartzen düe, beste hainbeste lagüntzale badelarik. Horietarik diren dendariek lan handia egin eta egiten jarraikitzen düe. Düala aste zonbait hasirik, astebürü oroz mustrakak egiten dütüe, astearen lüzaran, aldiz, taldeka ari direlarik. Egüberriko bakantzetan, haatik, üsüxka bildüko dira, urtarilaren 7ko prestik izateko. Hona agerraldi edo jelkaldien egünak: Urtarilaren 7a, igantea: Muskildi Urtarilaren 14a, igantea: Pagola Urtarilaren 21a, igantea: Atharratze Urtarilaren 27a, neskenegüna: Ainharbe Barantailaren 4a, igantea: Lexantzü Barantailaren 11a, igantea: Urdiñarbe Barantailaren 17a, neskenegüna: Gamere Barantailaren 25a, igantea: Eskiula Martxoaren 4a, igantea: Altzürükü Martxoaren 10a, neskenegüna: Idauze Martxoaren 18a, igantea: Lakarri Martxoaren 24a, neskenegüna: Maule-Lextarre Apirilaren 1a, igantea: Barkoxe Apirilaren 8a, igantea: Hoki Apirilaren 15a, igantea: Larraine Apirilaren 22a, igantea: Muskildi Xabi Elgart :