Mascarades et Carnaval en Pays Basque, « Atarratzeko Elgoyhen eta Bürgübürüren dantza eskola » Michel Duvert-en libürü berria presentatü dü iragan astean Elkar argitaletxeak. Libürüa, Michel Duvert etnologoak eraman düan ikerlan baten emaitza da, Sunharetako Jean Baratçabal eta Atarratzeko Dominique Nicibar Bürgübürü-rekin izan zütüan solasaldietan oinarritürik. Maskarada eta bereziki Xiberoko dantza aztertzen dü, lehenago beste ikerlanak kontütan hartzez bena sürtut Xiberotarren lekükotarzünak oinarritzat hartzez. Libürüan, Xiberoko dantzen müsikak ere aipatürik dira, Lucien Afios Atarratzeko Müsikalariak partizioneak idatzi dütü parada horrez. Libürüa, Atarratzen Turisma bülegoan edirenen düzüe, eta Maulen üsatü saltegietan. Michel Duvert idazlea :

Xiru festibala iraganen da martxoaren 30 ,31 eta apirila lehenean Gotainen Irabarnen ! Aurtenko lema « zauriak lore 2018 » ; 14 ko gerla, Gernika edo ere Aljeriakoak ützi zaurrietan bermatzez ,3 egünez ikusgarri ,filma, kantore eta müsika sorkuntzak eskentüko dira ; hitzordü nausia izanen delarik neskenegün arratsarekilan Barbau 14 ikusgarriaren berriz sortzearekin. Aurtenko Xiru festibalaren xedea, lili zonbaiten lantatzea gure baratzeko lürrean , gerlen zentzügabekeria plazan agertuz. Programa : Ostiralean Gotaineko elizan, zauriak lore gaüaldia , "las hermanas Caronni" Argentinako talde bat eta Amaren Alabak taldearekin Neskenegünean, arrestiko 3 etan dokümental bat Maule baitha zinema salan : « El gusto » izenekoa. Hontan judio eta müsülman soinü egile talde baten istoria kontatürik da. Arrestiko 5 etan Koldobika Jauregiren obraren estrena. Arratsan gotaineko salan Barbau 14 ikusgarria 9 etan. Igantean : egünaldi herrikoia, pelota partida eta kantaldi. Mixel Etxekopar antolazalea aurtenko Xiru aipatzen deikü :

Argentinako Las hermanas Caronni kantaldia ala Barbau 14 ikusgarria bezalako memento azkarrak bizi ahal izan dü, 2018ko Xiru festibalarat hüillantü den püblikoak. Xiru-k kültüraren transmizioa egin dü beste behin bena ere bereziki mezü iganarazteko bere fontzioa bete dü. Ostirale gaüan Gotaineko eliza ala neskenegün gaüan herriko gela beterik izan dira, eta aurtenko festibala familia eta besta giroan ürrentü da. Hona neskenegün gaüko bideo zonbait. Bedatse hontan natüra berpizten den bezala, Xiru festibala dagün urtean berpiztüko da segür, anartean aurten begiek eta beharriek ikusi eta entzünaren gozamenak lagüntüko gütü urte batez haidürü egoiteko. Mixel Etxekopar antolazalea :

Xiru festibala horra zaikü aste ürrentze hontan. Horren barne emanik date Barbau 14 ikusgarria. Lehen gerla mündialaren üngürüan hainbat aipagei jorratzen dira : Xiberoko gizon gazteen partetik izan zen odol hüstea, eliza eta estatüaren arteko aliantza sakratüa, gerlen aldeko propaganda baita ere lotsaren erabilpena. Hortako hogei ta hamar bat jenteek antzerki, irakurketa, dantza, kantore eta sü jokoetan parte hartüko dü, oren bat eta erdi irauten düan ikusgarrian. Leküak aitzinetik hartzen ahal dira “soule-xiberoa.fr” webgünean edo Mauleko “Xibero” ostatüan . Barbau 14 ikusgarria, neskenegün gaüan, arratseko 21 :00etan Gotañeko kirolgelan emanik date. Dominika Recalt "Ttittika" :