Eüskarazko hitzordüak proposatü nahi dütüan « Euskararen Urtaroa » abiatzen da gaur Eüskal Herrian. Baxe Nafarrotik ideia partitürik eta Eüskal Alkargoak bultzatürik, 15 egünez ahal bezain eskeintza zabala agertüko da. Xiberoko lehen hitzordüa gaur berean da « Abdelkader » pastoralaz mintzaldi batekin Jean louis DAVANT-ekin 8ak 30 tan Ürrüstoin. Besterik izanen da 15 egünez : mintzaldi, gaüaldi hots eüskararen gozatzeko parada izanen da eta nolaz ez, Xiberoko Botzak Irurin antolatüko dü mintzaldi kantaldi gaüaldi bat azaroaren 29an Etxahun Irurien hiltzearen 40 urteen ohitarazteko. Maritxu Lacarrieu alkargoako langilea :

« Xiberoa Zinez » zinemaldittoari esker, bien arteko lotüra ikertü da neskenegün goizan Maulen. Eta bien arteko zübüa bertan egiten ahal da, egite hanitx beitziren beren bizitzeko maneran, eta balinba hartakoz dira biziko lagün bilakatü. Bi lagün arren, eta adiskidetarzün hori jarraiki da beren semeekin, parada hortan jinik zirenak. Han eginiko erreportajea :

Alkartearen bülegoak bere kargüaren üztea deliberatü dü bere ostiraleko biltzar nausian. Ez düe elkibiderik kausitü, jakitez data bat finkatü zela 2020ko antolaldiarentako. Alta, bontate hun oroer dei bat zabaltü zen sare sozialen bidez. Deia entzünik bena ez jarraikirik, maneala ez beita jende handirik hüllantü beren bülegoan sartzeko eta ihautien salbatzeko kümitüan. Orai azken xantzako dei bat egiten düe azaroaren 16ko. Pauline Chuburu :

Eta parada hortan, Xiberotarrak kantari taldeak bere 2. diska presentatzen dü hilabete ürrentzean, Maule Baitha zinemako salan azaroaren 23an neskenegün arratsan eta 24an igande arrestiritan. Zibozen lantü düe beren grabaketa, Oihan Oliarj Ines-en lagüntzarekin soinüarentako. Botzen aldetik Laura Etchegoien-en lagüngoa ere üken düe. 16 kantore hontü dütüe , 6 aho hütsez eta 10 müsikaz lagüntürik, NAHASTEZ beren SORKUNTZAK eta arrahartzeak. Jüstoki diska berri horren presentatzeko kontzertü bat eskeintzen düe Maule Baithan. Xiberotarrak taldeko kantarietaz gain, Oihan Oliarj Ines eta bere müsikalari lagünak hor izanen dira. Sartzeak oraidanik Sohütako Irrintzina prentsa eta Xibero Bio saltegietan edo turisma bülegoetan Johañe Etchebarne Ajia eta Mayalen Larrory :