Muskildiko dantza taldeak eraman dü txista edo xiberoko dantza leiaketa ! 9 Herrietako dantzariak leiketan parte hartü düe eta maila honeko saioa izan da Barkoxen. Leiaketa 2 partetan iragan da , lehenik, 4 proba egin behar izan dütüe eta epai mahainak 3 finalista haitatü dütü, Urdinarbe, Barkoxe eta Muskildik behar izan düe sorkuntza bat eman. 8 epai mahaineko eta püblikoaren bozkaren ondorioz Muskildiko 6 neskatilen sorkuntzak eraman dü txapela . Maitena Oyhenart eta Ana Eiherabaren

Müsikaren egünaren azken edizionea izanen da aurten !! Euskal herriko besten egütegian inportantzia handia düan hitz ordüa aurten ürrentüko da. “bil xokoa” izeneko elkarteak dü joanarazi musikaren eguna azken 30 urteetan. Sos arrenkürak festibal oroetan bezala hor baziren, urte orotan egin behar den lan soberakina da aipatü eküatze horrentako. Haatik beste hitz ordürik proposatüko direla segürtatü dü Jean Jacques Etxeberri Llargo elkarteko bürüak Jean Jacques Etxeberri Llargo:

Txista dantza lehiaka edo saldokako primaka date neskenegün hontan Barkoxeko besten karietara. Düala bi urte abiatürik, norgehiagoka arra horra da 9 herriekilan. Espeize, Müskildi, Urdinarbe, Zalgize , Barkoxe , Eskiüla, Maule, Arrokiaga eta Atarratze. Azken aldian Espeize üngürüko Pettarresek zien irabazi. Azken aldian bezala, lehiaka eramaiteko 4 froga badirate, postüra, herriko kalitatea, teknika, eta ürratsen ezagütza neurtzeko. Froga bakotxak dantzari ohi bateri omenaldi egiten deio: Hegiapal, Tartaxü, Garat Arhane, eta Eihartzet deitzen beitira zoingehiagoka bakotxa. 4 lehien ondotik, 3 baizik ez dira sailkatüko; Azken 3 taldeek sorkuntza bat emanen die. Hortako ürrats eta ahaideak üken dütüe talde oroek. Arren, Txista lehiaka neskenegün hontan 17etan Barkoxeko bestetan. Johañe Etxebest :

Oilarrak taldeak bere 25. urte bürüa ospatüko dü neskenegünean, apirilaren 27an, Maule Baitha zine gelan. 25 urtez bide egin dü taldeak, 50 bat kantari iragan dira taldean, 500 bat kantaldi emanik, bai Eüskal Herrian, baitaere Europako hainbat herrietan eta 5 dizko plazaratü dütü. Taldearen errepertorioa gehien bat Eüskal kantütegian oinaritzen bada ere, sorkuntzek geroz eta lekü haboro hartzen düe, alde batetik kantore idazle beita taldean eta bestetik Müsilkalde sonü taldearekin ari beita orai. Hats berri hori senditüko da neskenegüneko kantaldian, kantore berriak lehentze püblikoaren aitzinean emanen beidütüe. 25. Urte bürüaren ospatzeko, Xiberotarrak, Bestela taldeak eta Mauleko dantzariak kümitatü dütüe afitxaren osatzeko. Lehen kantorea arrestiriko 18etan neskenegün hontan Maule Baitha zine gelan. Régis Claverie eta Xabi Elgart :