« atte hil aurretik » izeneko antzerkia lantzeko egonaldi bat ürrentü berri düe Maika etxekopar eta Miren Tirapuk.
 Aste bateko egonaldia Mauleko Tokia konpañiaren kasernan egin düe.
Aldi hontan ere bai, Maika errejentsa lanetan ariko da, Miren Tirapu antzerkilari eta idazle delarik.
Honek bere projeta presentatü dü eta lagündürik izanen da Eusko Jaurlaritzaren ganik.
 Eusko Jaurlaritzak 6.600 euro eman dizteio.
Bestalde, Zubi izeneko projetak EHko 8 antzeztoki edo teatro biltzen dütü, euskal antzerkiaren builtarazteko  xedearekin.
 Urte oroz euskal antzerki projet bat lagüntzen düe, eta aurten antzerki hau da lagündürik izanen.
Tokiako kasernarat hüllantü zaikü Ximun Uthurralt :

4 libürü agerarazi dütü Astobelarra Xiberoko argitaletxeak 2015an.
“Pik-pik”, “Natura Anderea”, “L’aube des Dragoniers’ eta “Emmene-moi au paradis” .
Hori da aipatü egin berri den beren biltzar nausian.
Alkarteak Indar bereziak egin dü Eüskarazko obren builtarazteko eta hortan ekonomikoki Xiberoa Herri alkargoaren eta Eüskararen Erakunde püblikoaren lagüngoa üken dü.
Aurtenko ez da xede eskazean, erleetaz eta laborantsa herrikoiaz bi lan prestatzen ari dira besteak beste, alkartean “zerbütxü zibikoa” egiten düen gazteen esker.
Laurent Caudine alkartearen lehendakaria:

Mauleko libürütegian , eüskaraz ,”Irakurleen kluba” sortü da eta lehen hitzordü bat emaiten da neskenegün goizan ; algarretatzearen helbürüa da libürü baten irakurtzera eta gero honen partekatzera denek algarrekin.
Lehen hitzordüarentako, Kepa Altonaga idazlearen “Back to Leizaraga”libürüa haütatü da eta idazleak parte hartüko dü eztabadan.
Maider Bedaxagar eta Ainize Madarriaga klüb honen antolazaleak:

Xiru festibalaren 27. Edizionea kausitürik izan da Gotaine Irabarne eta Ezpeizen aurten.
Antolatzaileek egiten züen eskeintza zabal hortan, Euskel Antiqua taldearen kantaldia, Xiberoots eta hip-hop dantzarien üztartzea eta azkenik igantean Bidador pastoral ziren hitz ordü nausiak.
Proposamen nausi horiek arrakasta ederra ezagütü düe.
Mixel Etxecopar antolatzaileak botzik agertü zaikü, Eüskara beste behin Gotaineko plazaren erdian egon beita hiru egünez.
Bilana egiterakoan, akidürik izanik ere, indarrak berritürik senditzen zela baieztatü deikü, 28. edizionea gogoz beterik orai danik prestatzeko.
Mixel etchecopar antolazalea: