Kultura

: Kultura; 2017 Otsaila 28; Agerraldiak: 1756

Dagün urteko pastoralaren afixarentako zoin-lehentaka abiatü da!

Christophe de Prada-ren argazki bat Üda hontako pastorala Altzai eta Lakarrik düe emanen. Nafarroako erresumaren desjabetzea aipatürik datekealarik, Joanikot kapitainaren historiarekin. Joana Etxartek dü idatzi pastorala eta Jean-Pierre Récaltek dü errejengoa segürtatüko, kantoreak, aldiz, Jean Louis Aramburuk moldatüko dütüalarik. Bi herrietako 75 arizaleak hasirik dira trebatzen eta kargüen emaitea eginen da jiten den neskenegün arrats hontan. Mementoa jinik da ere afixaren egiteko eta hortarako, dener zabalik den zoin lehentaka bat abiarazi da. Hona zoin diren baldintzak: 60/40 neurriko afixa egin behar da, pastoralaren titülüa, bi herrien izenak eta emanaldien egünak ezarri behar dira ( uztailaren 30a eta agorrilaren 6a) ! Afixa proposamenak igorri behar dira Altzaiko Herriko Etxeala martxoaren 15eko. Ondotik ezarririk dirate Altzaiko salan eta pastoralean ari direnek bozka bidez haütatüko düe.
Maryline Recalt :

: Kultura; 2017 Otsaila 24; Agerraldiak: 1682

Les lavandieres izeneko antzerkia neskenegün hontan

Neskenegün hontan" Les Lavandieres" izeneko antzerkia badate Maule Baitha zinegelan. Ikusgarria Maule-Lextarreko kültüraroaren beitan antolatürik da. 19.mendeko herrixka batetan agitzen da, non ere 3 emazte ari diren jauntsi xuritzen. Jakitez arte horietan emazteak libreki elestatzen zirela, antzerkiak libroki jorratüko dütü gei hanitx : herriko berriak, sekretü arin eta pezüak, emazte-gizon harremanak... Barantailaren 25ean, neskenegün gaüan, gaüko 9etan Maule Baitha zinegelan. 3C antzerki taldeak emanik 55mn-tako pieza bat da.
Xehetarzünak Chrystelle Mange-rekin :

: Kultura; 2017 Otsaila 23; Agerraldiak: 1666

Mintzaldi kantatü bat neskenegün hontan

Neskenegün hontan müsika eta kantore herrikoiaz mintzaldi-kantatü bat badate Maule-Lextarreko Hebentikenean. Korrika kültüralaren barne. Hebentik alkarteak Pantxix Bidart eta Marie Hirigoien kümitatzen dütü. Azken honek tesia bat idatzi dü eüskal kantoreaz eta kantatzeko maneraz. Hitzaldiaz bestalde kantatüko düe biek. Hitzordüa neskenegün hontan (2017.02.25) 25ean, 19:00etan Maule-Lextarreko Hebentikenean, Matalaz karrikaren 4an. Jateko eta edateko ere badate.
Mixel Etxekopar :

: Kultura; 2017 Otsaila 23; Agerraldiak: 1628

Bat-batetanko ützülpen ikastaldia neskenegünean!

Bat-batetanko ützülpen ikastaldi bat antolatürik da neskenegün hontan Atarratzeko Prefosta ostatüan! Gazteizeko talde bat jinen da erakasteko nola plantatü behar den eta zoin diren teknikak, bat-batetanko ützülpenen egiteko. Hiru hizkuntza proposatuko dütüe : eüskara, frantsesa eta espainola. Parte hartzeko, elebidun izan behar da eta stylo eta paper batekin jin. Hitzordüa, neskenegünean (2017.22.25), Atarratzeko Prefosta ostatuan, arrestiriko 5 orenetan. Xehetarzünak Allande Etxartekin :

: Kultura; 2017 Otsaila 20; Agerraldiak: 1542

Korrika kültürala horra da !

Bizkaiako Otxandio herritik partitürik, Iruñean ürrentüko da, eta Xiberoan date apirilaren 3ean. Hartara gabe, barantailaren 25etik, apirilaren lehena arte, 5 hitzordü badirate Korrika Kültüralaren barne, izan dadin dantza, antzerki, mintzaldi, bideo, kontzertü, karaoke, zirka eta beste. Hitzordü horien antolazaleak direlarik: Hebentik, Ikastola, Prefosta, Xiberoko Botza, Tokia, Üztaro, Muskildi Bizi, Bilxokoa, Zinka eta Gaü Eskola. Hitzordü horik hüillantüko diren arau, prefosta, xehekiago aipatüko deitzüegü.
Bestalde Korrikako bizkarrekoak Gaü Eskolan erosten ahal dira, eta martxoaren 11an, Maule-LExtarreko merkatüan.
Patxi Patalagoiti :