XÜXENEAN ENTZÜN

Kultura

27.musikaren egüna ürrentü da, eta izigarri untsa. 3.500 bat jende bildü zaüe, eta ekia ere azken mementoko kümita.
Zinez dena ontsa igaran da , ostiraletik igandealat.

Kantu txapelketak eta Igandeko egünaldiak izigarriko jendea jin arazi düe, Xiberotik edo kanpotik.

Ber formülarekin 28gerren Müsikaren egüneari pensatzen düe orai antolazaleek:

Xiberoko kantu txapelketak arrakasta handia üken dü, oihal etxe delakoa osoki betez ;
Behazaleek oso gustükoa ükan düe, eta azpimarratü gogotik entzünen zütüela talde haboro.
Halere 12 taldek parte hartü düe eta 4 saristatüak izan dira.
Basabürüko neskatileek püblikoaren eta taldekako saria eraman düe, kantu herrikoien nahasketa batekin.
Bestalde, Johañe bedaxagar eta Pierre Ducassou-k binazkakoen saria, horiek Ibañeta pastoraleko « Jeiki düzü artzaina » kantorea emanez.
Bakarkako saria Alain Etxeberrientako izan da Domecq mariñelaren hiltzea kantorearekin.
Azkenik aurten Dominika Agergarai Olhasoren omenez sari bat bazen eta hori Jaragoyhen aita semeek düe irabazi  Trai Trai Trai kantorearekin.
Irabazleen kantoreak eta bere elkarizketa:
Basabürüko neskatilak:


Johañe bedaxagar eta Pierre Ducassou:

Alain Etxeberri:

Jaragoyhen aita semeak:

Dominique Eperre: 

13 sükaltari talde, 100 bat bazkazale, neskenegüneko egünaldia arrakastatsüa izan da Gaü eskola eta Prefostarentako.
Gaü eskola sortü denetik, urte oroz antolatü dü Tipinakoa izeneko axurki saltsa hoberenaren txapelketa.
Aurten atarratzen eginik izan da eta jente hanitx hüllantü da Prefosta alkarteak perestatü düan bere egoitzan.
Goiz osoan, 35 sukaltariek haren eginahalak egin dütüe axurkia ahal bezain ontsa prestatzeko.  Eta 100 bat gosetüek prestaketa horik partekatü dütüe egüerdiko bazkarian.
Sükaltariak adin güzietakoak ziren eta errezeta desbardin hanitx plazaratü dütüe bertan..

Aurtenko irabazleak hirukote bat izan da : Jordi eta Jon Fouchet Anaiak, Olivier Lasserre –rekin nausitü dira.
Bigerren Christiane Goienexpe eta Maite Etxeberria eta Hirugerren Johane ibilbehety eta Pierre Betatxet, igan urteko irabazleak.
Xehetarzünak oro emaiten deizkü Benat Espil, antolazaletarik bat:

« Mai en scene » izeneko antzerki festibala horra zaikü dagün asteondarrean. Frantzian gaindi ehünka antzerki festibala desagertzen badira, Maulekoa arrahorra da 14gerren aldikotz.
 Audela aurten indartürik horra da festibala.
Halere azpimarratü behar da talde hon gerogo eta haboro lekükoak direla, departamendüko zonbait bena süstut eüskaldünak.
Jakin behar da festibalaren aintzinkontüa 50.000 eurokoa dela, bena hainbat lagüntzeri esker kalitatezko ikusgarriak edireiten direla.
Prezioak apal batüko dira, neskenegün gaüko ikusgarriak 10 eurorentako ikusten ahalko dira eta besteak kitorik dirateke.
Programa edo egitaraua Xiberoa herri alkargoaren webgünean edireiten ahal düzie.
Christelle Mange festibalaren antolazalea:

“Inganamundo” izeneko emanaldia emanen da neskenegün huntan Maulen.
 Jean Mixel Bedaxagar-en ixtoria, ipuin eta zahar hitzetaz gozatzeko parada.
Ipuinen bidez besteak beste lanaz ariko da, lehen ostatüetan entzüten ziren ixtorioetan oinarritüz.
Etxebarren emanaldi bertsia egin züen barantailan, eta arrakasta üken züen, hartakoz horren arraegitera deliberatü düe.
Ixtorioetaz bestalde kantore zonbaiten behatzeko parada badate, Mixel Etxekopar eta Sacha Standen-en lagüntzarekin.
Hitzordüa neskenegün gaüan 7tan Mauleko Hebentikenean.
Jean Mixel Bedaxagar:



Ausaz

Kronika

Emankizüna

Artxiboan