Atarratzeko aparkalekütik plazala heltzeko sargia apaintürik izan da ; mürrüetan perstonaiak tintatürik izan dira. Laure Gomez artistaren lan ederra agertzen da, bere estilo figuratiboarekin, alde batean jenteak plazala heltzen eta beste aldean aldiz, merkatutik joaiten dira, batak xare bat baratzekiz kargatürik edo beste bat oilasko bat besapean. Hots, oso ülün zen güneari bizitasun bat emaiten deio. Tintaketaren estrena egin da herriko kuntseilü eta artistarekin, okasionea baliatü da ere, Atarratzeko xeden aipatzeko. Bestalde, Atarratze ofizialki bastida date dagün barantailan; Bastides 64 alkartearen biltzar nausia Atarratzen eginen delarik.
Laure Gomez margolaria :

« Ultimes Déchets » libürüaz solas eginen dü Itxaro Borda idazleak, BIK edo barne aldeko irakurleen klubeko kideen aitzinean. Hiz ordüa Urrietaren 8an 11orenetan Mauleko mediatekan. Ainize Madariaga :

Irakurri gehiago ...

Jean Vigné eta Jean de Jaurgain, XIX. menteko bi xiberotarrek ützi düen artxiboen üngürüan Ikerzaleak alkarteak abiatü düan lana, presentatürik izan da iragan ostiralean Atarratzen. Jean Vigné-k, Amerikala joaiteko agentzia etxekitzen züan eta ützi dütüan dokümentoek, xehetarzün hanitx ekartzen dütüe Euskaldünen emigrazioaz. Jean de Jaurgain-ek ützi dütüan dokümento zonbait aldiz, balio haundikoak dira eta oso zaharrak. Zaharrena 1270ekoa da. Mementoko, dokümento güziak Departamentüko Konseilüko artxibategian dira sailkatürik izaiteko. Ikerzaleak alkarteko kideak esperantxa düe, Jean de Jaurgain-aren artxibategia laster Xiberoala ützültzen ahalko dela eta bi artxibategi horien üngürüan ikerketa jarraikitzen ahalko düela.
Robert Elissondo :

« Comme des lions » dokümentala bada ostegün gaüan, Maule Baitha zinegelan. Ondotik eztabada bat badate Francoise Davisse film egilearekin. Dokümentalak Pariseko PSAren lantegi baten zerratze denboran filmatürik da, erakustez nola 2 urtez langileak mobilizatzen diren. Hots langileek beren arteko ezadostarzunetaz gain nola konpondü diren eta nola eztabaida eraman diren. Hitzo ordüa Gaüko 8ak30tan. Thomas Lecoeur-ek ondoko eztabaida animatüko düalarik :