"Garde à vous" izeneko ikusgarri edo antzerki bat emanik date egün ostiralearekin (2016/12/02) Mauleko Tokia konpainiaren kasernan. Mixel Legaux-k hainbat idazleren puzka zonbait erabiltez antzerki antimilitarista bat hontü dü. Atharratzeko Decung ostatü ohian eman bazüan lehenago antzerkia, arrahartzea erabaki dü ikustez gerla beti aktüalitatean edo egünkotarzünean dela. Arraileria eta erria erabiltez, mündü honen kritika bat da eginik. Beti bezala, sartzearentako bakoitxak nahi düana emaiten dü. Hitzordüa bihar arratsen, Mauleko kasernan gaüko 9etan. Mixel Legaux :

Kant’azia izeneko diska bat elki berri dü Azia alkarteak. Xibero osoko 12 familiak parte hartzen düe diskan, izan aurride, haur eta aitetama, edo osaba-lloba. Hori kantagintzaren jarraikiaraztearen azpimarratzeko. Jüstoki diskak lelo bat badü « Egün ereiten, bihar kantatzen ».  Orotara, 11 kantore badira, familiek berek haütatürik. Xehetarzünak Maider Larrory-rekin :

Ametsen Gillika ikusgarriaren azken emanaldia eman düe eskiulatarrek, Angelun, 800 bat jenteren aitzinean. Ikusgarriak arrakasta handia bildü dü bazter orotan, Eskiulan berean hiru emanaldi, Hazparnen bat, Donapaleun bi eta erran bezala azkena Angelun. Ikusgarria ,Catherine Arcanuthury-k dü asmatü eta müsika aldiz Andde Carrere-k; 41 arizale ziren eta 100 bat herritarrek lagüntza ekarri düe ikusgarriaren behar bezala eramaiteko. Hots, izigarri kontent ziren azken emanaldian eta bilan ezinago hona egin düe, herritarren artean zerbait eder egin delakoz eta gazteer gusta eman beitzaie dantzan jarraikitzeko.
Andde Carrere :

Azken urteetan Barkoxen hilabete oroz biltzen dira kantatzeko. Eta urtean behin edo berritan kantari bat jinarazten düe. Hola haren kantoreak emaiten dütüe, eta süstut kantoreen idazleak kontestua aipatzen dü. Neskenegün hontan Manex Pagola horra da. Harek 100 bat kantore badütü idatzirik. Eta düala güti antologia bat argitaratü dü. Hots libürü bat bai eta ere kantore famatüenak biltzen dütüan diska bat. Hitzordüa Barkoxeko Xiloenean, gaüko 9tan. Ororer zabalik.
Jean Fabien Lexardoi, antolazaletarik bat :