Igaran astebürüan bere biltzar nagusia züan Maule-Lextarreko "les Amis du château" alkarteak, 30 jentek parte hartü züelarik. Joel Larroque-k alkartebürü gisa jarraikitzea deliberatürik izan da. 2016an 5.200 jente Mauleko gaztelüan bisitatzera joan da, alkartekoek direlarik üsüan bisita segürtartü. 2017an haatik ez düe hondarearen astea antolatüko ; antzerki bat beitate emanik,  üztailaren 22an eta agorrilaren 8an. Antzerkia sendagileetaz date. Antzerki hortan parte hartü nahi düen oro kümitatürik dira barantailaren 9an 20:30tan, Maulegaineko lehenagoko haurzaingiala.
Joel Larroque alkartebürüa :

Gaü eskolaren negüko kontzertüa iraganen da neskenegün hontan Zinka ostatüan, arratseko 7etarik goiti. Urtean zehar hainbat egintza antolatzen dü barnean düan animazio taldeak. Ikasleak beren artean ezagüt ditean eta eskoletzaz kanpo eüskaraz aritzeko lekü bat izan dezen. Neskenegün arrats hontan, 7 etarik goiti arren, Tefalo (rock blues) taldearekin hasiko da züntzür bustitzea. Gero aihari bat izanen da. Azkenik TIOFAIDH AR LA eta ZIKIRO TENDENCIES taldeek bazterrak igiaraziko dütüe, post punk basa batekin. Gaüaldi osoarentako 8euroko sartzea date (5 kontzertürentako baizik ez date hola).
Patxi Patalagoiti :

Mauleko Urrats berri alkarteak biltzar nausia züan igaran neskenegünean. 2004ko pastoralaren ondotik dantza, kantore eta eüskararen builtarazteko helbürüa züan alkarteak, eta bide hortan jarraikitzen dü. Dantza sailean, 18 ikasle eta 4 erakasle dütüe, ttipientako ; eta kurtsoak oro eüskaraz emaiten dütüe. Gehitü edo aintzindariak 12 dira, 2 erakaslerekin. Kalakan izeneko kantari taldean, berriz,  30 bat emazte biltzen dira bi astetarik behin. Dagün urtean pastorala Maule-Lextarren emanik date, Urrats berri elkarteak builtarazirik. Pastoralaren egingeiaz, barantailaren 11an Biltzar nausi bat badate eta administrazione Kontseilüa berritüko düe. Beste hitzordüa martxoaren 4ean date. Pettarreko maskaradar batzarri egitea berek beitüe antolatzen.
Johañe Bordaxar presidenta:

Neskenegün hontan, afrikano dantza ikastaldi bat badate, Kongoko erakasle batekin. Erakaslea bere müsikariarekin jinen da. Eta Kongoko ürratsen ikasteko parada badate hiru orenez. Beroaldiaz gainn koregrafia bat erakatsirik date ere bai. Iragan aldian, hots Bolikostako erakaslearekilan, 28 jente hüllantü ziren, 17 eta 70 urteren artekoak. Hanitx xiberotarrak baziren ere, Paue eta Baionarik ere jinik ziren zonbait. Neskenegün hontan, Mauleko Champo lizeoan date arrestiriko 14:30tan. Hura ekarri behar da bena dutxatzeko parada badateke halere.
Izenaren emaiteko deit Maider Dascon antolazalea : 06.51.01.84.56