Kultura

: Kultura; 2016 Otsaila 11; Agerraldiak: 1679

"Les Casseroles" Xiru festibalan emanen den antzerkia Liginagan prestatzen ari da

Xiru festibalan jinen den « duo du Bas » taldea Liginagako herriko salan egonaldian zen, aintzineko astea. “les casserolles” izeneko Ikusgarriaren huntzeko astea igan düe mustrakan. “les casseroles” izeneko Ikusgarria kantorez osatürik da, bena antzerki joküz aberastürik izan da.
Ikusgarria lantzeko Maika Etxekoparrek dütü lagündü, errejentsa edo taula züzendari gisa.
Ximun Uthurralt Liginagako herriko gelara joan zeikü, beren errepika batetarat:

"Les casseroles" ikusgarria martxoaren 26an, neskenegünez emanik date, Gotainen gaüko 9tan; Xiru festibalaren baitan.

: Kultura; 2016 Otsaila 10; Agerraldiak: 1465

Azia alkarteak bere süstengüz kontzertü bat antolatzen dü ostirale gaüan

Azia alkarteak kontzertü bat antolatzen dü Urdinarbeko “coucou des bois”an ostirale gaü hontan.
Helbürüa da dinamikaren jarraikiaraztea alkartean eta gazteen zotükaraztea zertako ez ondoko hitz ordü seriusagoentako.
Bigerren urtea da hori egiten dela arrakasta ederra üken ondoan igaran urtean.
Joxe riplay dateke aurtenko kümit taldea.Ondotik DJ radio bogotak bere trebetarzüna erakusiko dü.
Han artean 5 gazte sartü da alkartean hatx berri baten emaiteko eta ondoko xeden eramaiteko.
Horien artean Xiberoko enpresa sorzaleen süstengatzeko ClLEJa edo orano “xiberoan lan eta bizi” libürü batetan bildüko dütüan xiberoko lan eskaintzak bakotxak bere ikasketak egoki ditzan Xiberoan egon nahi bada.
Joana Hoquy:

: Kultura; 2016 Otsaila 02; Agerraldiak: 1756

Urrats berriak 70 kide biltzen dütü kantore eta dantzaren ikasteko

2014-2015eko biltzar nausia egin dü Urrats Berriak izeneko alkarteak.
Urrats berriak dantza, kantore eta Patchwork kürtsoak antolatzen dütü Maulen.
Dantza ikasteko 3 hein proposatzen dütüe, ttipientako, gehitüentako eta konfirmatürik direnentako.
Kantore talde bakotx bat bada, gehitüentako.
Patchwork edo oihal puxka ttipien josteko atelier bat ere bada 2 aste oroz biltzen dena.
Talde horien eramaiteko erakasle hanitx ebilten dira : Jean Bordaxar eta Benat Elkegarai, Aline Elgoyhen edo orano Martine Beheregarai.
70 hamar bat ikasle dira elkartea horren üngürüan eta klaseetaz gain, elkaldi zonbait egiten dütü, 2017ko pastoralari pensatzen dü bai eta iganteko maskaradaren batzarria antolatzen.
Ihintza Malharin, Maialen Etxebest eta Xantiana Bordaxar:

: Kultura; 2016 Otsaila 03; Agerraldiak: 1850

Bere 3gerren kabaret gaüaldia antolatzen dü Muskildi Bizi alkarteak

3. Kabaret Gaüa proposatzen deikü Müskildi Bizirik alkarteak, neskenegün hontan gaüko 21etarik harat Posonpesenean.
Aldi hontan Aire Ahizpak, Sohütarrak eta Tipul eta Putil antzerkilariak kümitatü dütüe.
Aire ahizpek "Bidexka" beren dizka berriako kantoreak presentatüko dütüe.
Sohütarrak taldean agertüko dira, Benoit Haristoy, Serge Gabaston, Alain Gimon, Laurent Jaury eta Felix Aguer. Azkenik Tipul eta Putil-ek, orai Xiberoan ezagütürik direnak, gaüaldi hortako prestatürik sketx erri egingarriak eman dütüe. Düdarik gabe beste behin Xiberotarretaz trüfatzeko parada horrez baliatüko dira.
Gaüaldiko benefizioak Lürzaindia alkarteari eskeiniko dütüe antolatzaileek.
Popol Bosq:

: Kultura; 2016 Urtarrila 22; Agerraldiak: 1539

Aspaldi danik Amaia Riouspeyrous Maulen deteke neskenegün gaüan

Bada orai lau urte Xiberoalat ez dela jin Amaia Riouspeyrous .
Neskenegün gaüan 9tan Maulerat horra da Maule Baithako salan. Müsikaren egünean zen bere azken kontzetüa Xiberoan. Geroztik düala bi urte beste diska bat elki dü.
Diska Hortik eta berrikuntza zonbaitez osatüko da bere neskenegüneko gaüaldia. Erran behar da hain bat soinü egilekin jinen dela Amaia.
Berak antolatürik dü kontzertü hau, egia kantaldi güti baizik ez dela antolatzen krisa denboretan.
Leküak edireiten ahal dira Xibero bion edo Intermarcheko Jean Etcharten prentsan.
Amaia Riouspeyrous: