‘Beste aldekoak’ izeneko ikusgarria neskenegün hontan Atarratzeko Peillenea ostatüan emanik dateke.
Delako elgarrizketa bat dateke  Lexantzüko Peio etxekopar eta Irunako Asisko Urmenetaren artean. Bata Lexantzütik Bilbora joan beita, bestea aldiz Iruñetik Oztibarreko Hoztara eta Xiberualat jin delarik.
Beren biziako ustegabekoetaz abiatüko dira kondatzeko Pirineoen bi aldeen kütxatzea.
Antzerki bat ez balin bada ere, ümore eta erria lagün arteko elkarrizketa bat izanen da.
Oroer agitü zaükü ‘beste aldeko’ batekin elestatzea, edo harat joaitera. Beste aldea ez beita bortxaz Espainiakoldea, Xiberotarrentako Manexa bera izaiten ahal beita!
Ordüan momentü goxo baten iragaiteko parada emanik zaüzüe bihar gaüan Atharratzeko Peillenea ostatüan, gaüeko 20.30tan.

Euskal Herrian Euskaraz, Bioletaren Martxa, ala Aita Semeak bezalako kantoreak gozatü dütüe, neskenegünean Mauleko Jaï-alaïean bildürik ziren belaunaldi güzietako 1500 jenteek, Oskorri taldearen Ipar Euskal Herriko azken kontzertüan. Hatsarretik ürrentzealat artino, taldea eta püblikoa algarrekin kantan jauntsi düe, erakustez 45 urteen bürüan, zer eragin ützi düan Oskorri taldeak Euskal kantagintzan.
Kantaldiaren denboran, Natxo de Felipe kantariak, eskertü nahi izan dütü taldeari hitzak eskeini düen idazleak, bertsolariak, eta müsikalariak.
Orai azken azkena emanen dü Oskorri taldeak Bilbon Arriaga antzokian, azaroaren 22an arrestiriko 19.30etan.
Laurentx Etxegoin gure lankidea han zen, eta ikusleen botza ezagün da bere mikroan:

Mauleko Libürütegian, Euskal Fondoaren estrena ofiziala egin da iragan neskenegün goizan, Natxo de Felipe Oskorri taldeko kantariaren presentzian.
Düala urte bat jadanik, Eüskaraz diren libürü, konpakt diska ala dvd biltzen dütüan xokoa plantan da Maulen, bena orai xokoak denbora erdiz animazaile Eüskaldüna dü, Maider Bedaxagar.
Euskal Fondo honek, 1000 libürüz, erdia haurrentako, 400 Kd-az, eta Dvd andaba batez osatürik da (Baküna show, Barbau Hamalau, pastoraleko dvdak etc.....)
2015ean, 800 libürü prestatürik izan dira, horrek probatzen dü galtoa azkarra dela eta düdarik gabe eskeintza aberasten bada, orano handitüko dela jakitez eüskara gerogo eta aijago erakurtzen dela, adin oroetan.
Maider Bedaxagar:

Euskal harriaren ABDak deitzen den filma kolektiboa ikusten ahalko dateke, gaur Mauleko Zinka ostatüan.
Katihotsak elkarteak dü film xede hori eraman. Euskal Herriko 26 film llabür edo llabürmetrajek osatzen düe Euskal hArriaren ABDak deitzen den filma hori. 26 horietarik 2 Xiberotik horra dira. Pette Etxebarria eta Elza Oliarjek eginik.
Zinegile profesionalak, amatürrak eta lehen aldiz kamera bat hartü dütüenak ere beren sorkuntza egin düe.
Film kolektiboa lotsa, zientzia fikzio eta fantasiazko laburmetrajez osatürik  da. Llabürmetraje bakotxak ez dü 5minüta beno haboro iraünten. Orotarat, filma kolektiboak  1.30 oren iraüten dütü.
Gaur, Euskal hArriaren ABDak deitzen den filma kolektiboa EH osoan estrenatürik dateke; eta  gaüko 9tan Mauleko Zinka ostatüan ikusten ahalko dateke.
Pette Etxebarria bideoegilea: