Johane Etchebestek bere lana abiatüko dü dantza eskoletan.
Master class dantza ikasketak lizeoan proposatü ondoan, xiberoko dantza eskolen itzülia abiatüko dü.
IDB iparraldeko dantza batzordeko langile da setemerez geroz Johane Etchebest eta « xede » edo xiberoko eskolako dantza egitüratzea berak izentatü dü bere lana.
20 bat dantza talde eta 15bat dantza eskolekin,honek erakasten dü dantzak inportantzia handia düala gure lürraldean.
Itzüli honen egitez helbürüa da bilan baten egitera bai eta dantza talden lagüntzera beren egünozko problematiketan üxü berrak beidira.
Lagüntza honek hon baizik ez dü egiten ahal xiberoko dantza eskoletan eta xiberoko dantzantari ikustez azken urtetan nola flakatü den dantza.

2016 eko arramaitzaren 5 an Baionan eta setemearen 4 an, Donostin  , Katalina de Erauso pastorala emanen da!
Düala 3 urte abiatü zen ideia, Baionan,  eta Maite Iturbide , sortzez Urdinarbetarra, ak ezkibatü dü istoria.
Katalina de erauso ,Donostiko emazte bat zen ,haur bendoran komentüan sartürik, 15 urtetan hantik ezkapi zen eta gizonez beztitürik ,bere bizia eraman züan.
Pastoralaren errejentsak dirate Pantxika Urruty ,barkostarsa eta Maitena Lapeyre.
140 bat jenteek parte hartüko düe pastoralan , 60 bat arizaile eta besteak laguntzale gisa.
Pastoralaren üngürüan , beste hitzordüak izanen dira pastoralaren hobeki ezagutarrazteko kostaldean.katalinapastorala.eus webgünean xehetarzün haboro ukeiten ahal düzüe.
Guillaume Irigoien:

Astobelarra argitaletxeak bere libürü berria presentatü dü.
Isabelle Brogly Bildoztarra da honen ezkibazalea. Autobiografi baten bidez bere lehen libürüa ezkibatü dü.
Bere biziko 15 egün dütü kondatzen, mentüz bere biziko gaitzenak.
Düala urte zonbait Paueko CHPko zerbütxü gaitzenan egon zen 2013an  bere bürüz beste egitera deliberatü ondoan. Hanko bizitzeko baldintzak salatü nahi dütü Isabelle Brodyk.
Geia hein bat pezü bada, bere ezkibatzeko manerarekin ta umorearekin ahintü nahi izan dü.
Astobelarra libürü berri honek « Emmenez moi au paradis « dü titülüa eta edireiten ahal düzie bere üsatüzko saltze günetan.
Isabelle Brogly:

Xiberoak zinez egünak iraganen dira ürrietaren 23 eta 24an. Maulen, Zinema festibal hau antolatzen dü Hebentik elkarteak.
Hebentik elkartea arte herrikoi eta sorkuntza güne bat da. Clown, Kanta, dantza, musika, antzerki, ikusgarri sorkuntza, DVD, argazki soinülari ta beste eskaintzeaz gain, 2011az geroz filmari lotürik dira. Xora filmaren ondotik, filma festibal bat antolatzen düe. Euskal eta eüskarazko filma güti ikusteko parada beitügü Xiberoan ere.
Ostiral gaüan : 8ak30tan maule Baithan « une croix gammée sur la bidassoa », eta 11etatik goiti Hebentikenean Ataun of the dead eta Joxean’s hil eben fikzioak. Eta egileekin solasaldia.
Biharamen goizean, 9etarik 13etara Ondarearen etxean Marc Lahore xiberotarraren film llabürrak.
Arrestiko 5etan Zinegelan « Gure sorlekuaren bila » dokümentala bai eta egilearekin eztabaida ; 19.30tan hebentikenean jateko ta edateko ta 21tan « Sistiaga : une histoire basque » dokümentala.
Mixel Etxekopar: