"PIK-PIK krakapitakusa " libürü berriarekin horra da Laurent Caudine Astobelarra argitaletxearen sortzaile eta langilea. Aldi hontan libürüa 7 urte beno haboro dütüen haurreri züzendürik da. Frantsesez ezkibatürik izan da lehenik eta Xiberoako Gaü Eskolako  4. Mailako ikasleek ützüli düe.
Ahatik, libürüa finantzatzen lagüntzeko beharra eta parada bada azaroaren 2a arte; libürüaren erostez aitzinetik lagüntzen ahal dütüzüe eta audela hor erosten bada merkeago izanen da.
Azaroaren 2a arte libürüa Xiberoako Gaü Eskola ta Xiberobio saltegian erosten ahal dateke.
Laurent Caudine:

Mauleko sasoin kültüralaren kari, Donostiako Aukeran dantza konpaniak, Geltokia izeneko ikusgarria emanen dü Mauleko Jai Alai-ean neskenegün hontan.
Baküna Show, Gernika eta Amaiur ikusgarrietan ageri izan den Edu Muruamendiaraz koregrafoak dü oro züzentü.
Euskal dantza eta modernoa nahasten düan ikusgarri hori, geltoki batetan igaiten diren jenteen sentimentüaz da.
Leküak jadanik hartzen ahal dira mauleko turisma bülegoan, hitzordüa 9orenetan Mauleko Jai Alai-ean.

Horren berri emaiten deikü Jean Dominique Espilek:

Aurtenko ondarearen egünak edo "journées du patrimoine" izeneko egünaldiak abiatzen dira ostirale hontan Frantzian eta Xiberoan ere.
Aurtenko lema da XXIgerren menteko ondarea. Xiberoan eraikuntza eta gaztelü hanitx ikusgei dirateke beraz aste ondar hontan.
Maulen, gaztelüetarik kanpo, historiaz ardüratzen den Ikerzaleak elkarteak urte oroz bezala bere gain hartzen dü egünaldi horien animazioa.
Hartakoz, hitzordü nausietan, ostiraletik aitzina, mintzaldi batekin abiatzen düe ostirale gaüan Mauleko turisma gulegoan Michel Larroche arxitektarekin eta neskenegünean Xiberoko etxeen erakusketa batekin jarraikiko düe ber günean.

Robert Elizondo:

Ostirale hontan hasten zaikü Mauleko kültüraldia Maule gaineko plazan. Hilabete oroz familiarentako gaüaldi bat gutienez antolatzea dü xede kültür sailak.
Hasteko antzerki erringarri bat eta txurdunpa (bascule hongroise) baten gainean ari diren ekilibristak jinarazten dütüe.
Eüskarazko eskaintza zonbait izanen dira ere bai, Ander Lipus-en azken antzerkiaren mustrakentako Maule Baita erabiliko beitüe bi astez.
Ürrietaren 7an Arrastoak izeneko antzerki berriaren lehen emanaldia izanen delarik.
Hortaz eta beste ikusgarrietaz berri emaiten deikü Christelle Mange, Mauleko kültür saileko langileak: