Uda hontan,  Atharratzeko herriak emanen dü pastorala  eta Jean Pitrau, herriko laborari sindikalistaren istoria kuntatüko da.
Mustrakak aitzina eramanik dira eta  afixa haitatürik izan da .
Anais Sagaspe ek dü afixa egin , Jean Pitrau en arra haurraren parte hartzearekin, Katti Etxebane ek marraztü düalarik  Jean Pitrau-en begitartea.
Pastoralaren lehen emanaldia  Atarratzeko arrabotüan,  uztaila 24 eta  agorrila 7an ; Otxagabian agorrila 15 an eta Parisen Chatelet antzokian setemearen 17an.
Anais Sagaspe afitxa egilea:

Willis Drumond taldeko Jurgi Ekiza ariko da gaur Mauleko Tokia konpainiaren kasernan.
Apirila osoan gaüaldiak eskeini dütü Tokia konpainiak, arrakasta ejerrarekin.
 3.gaüaldi hontan Jurgi Ekiza date bere gitarra eta bere ‘looper’ edo errepikatzailearekin.
Bere kontzertüak intimistak dira beti, eta Kaserna kabaret güne bat bezala izanki, segür nahi düan giroa kauxitüko dü.
Tokia konpainiako Jon Foucher-ekilan gaü hontako kontzertüa aipatü gabe, Pantxix Bidart-ek aipatzen deikü Kasernako giro goxo hori ; aintzineko astebürüan kontzertü bat eman beitü Thiery Carrerekilan, ELEBI izeneko kantaldia :

Ametsen gilika ikusgarriarentako « Aintzina eskiula » alkarteak Crowfunding sos biltze kanpaina bat abiatü dü. Arramaiatze ürrentze arte esperantxa düe 6000bat euroen biltzera.
Ametsen Gillika ikusgarria emanen da Eskiulan 2016ko Ürrietaren 28 eta 29an eta 31an. Ikusgarri honek Dinbili Danbala beren azken ikusgarria bezala dantza eta kantorea üztartüko dütü.
Iragan urtean Eskiulako aitzindari taldeak builtazi dü zerbaiten sortzeko ideia eta herritarrak jin arazi dütü. Dantzarietan 5 barkoxtar eta bi urdinarbetar gehitü dütüe.
Herriko kantariek Andde Carrerek egin ahaideak emanen dütüe Jean Bordachar, Isabelle Barreix, eta Jean Louis Bidaben hitzetan.
Dantzan aldetik Catherine Artcanuturryk dantza modernoa eta xiberotar dantza nahasiko dütü Andde Carrerre Bakuna showko müsika egilearen müsikan.
Ametsen gilika ikusgarriaren antolatzaile den Aintzina eskiula alkartearen bulegoan izanki, Marcel Castege eta  Henri castillon-ekilan elhestatü gira:

Prefosta alkarteak gaüaldi bat antolatzen dü neskenegün hontan.
Prefosta alkartea eraiki zen Agusti Xaho sortetxean Basabürüak güne bat üken dezan animazione  sortzeko.
 Mintzaldi bat horra zaüe Ihauteri eta maskaradetaz.
 Horien aipatzeko Battitta Berrogain, aurtengo maskaradetako errejenta bai eta ere Edu Zabala hor dirate. Edu Zabalak liburu bat idatzi dü « ihauteria, gizakia naturaren kontra » izenekoa.
 Hortan esplikatzen dü haren teoria bat non ere ihauteriak antzerki mota bat diren. Antzerki hortan jenteek natürari nausitzen direla erakutsi nahi düe.
Teoria hortan 4 ihauteritan bermatzen da : Altsasu, Lantz, Zubieta bai eta Xiberoko ihauterietaz edo Maskaradetaz.
Edu Zabala: