Laborantxa - Üngüramena - Xiberoko Botza

: Laborantxa / Üngüramena; 2022 Abuztua 17; Agerraldiak: 1091

Gazna feida berriz hor dügü !

Aurten ere Atarratzeko besten lehen egünaren kari Gazna feida antolatürik da.

40 urte ospatürik dütüan feida honek 40 bat gazna egile eta ekoizle desbardin jinarazten dütü Atarratzera egün osoarentako.

Egünean berean gazna lehiaka bat bada 4 kategorietan: etxeko ardi gasna, bortüko ardi gasna, behi gasna eta ahüntz gasna.

Etxeko ardi gasnaren mailan, azken bi urtetan Barkoxeko Etxebarne anaiek due irabazi. Heia 3. Txapela atzamaitera heltüko diren.

Eta azken urtean belar eta ardail lehiaka bat bazen ere, laborariek haien lürretan pusatzen den belarraren kalitatearen neurtzeko.

Aurten ez date gazna egiteko erakusketarik bena beste animazione pentsatürik düe. 5etarik goiti pelota partida eta arratsean Altzükütarrak taldea entzüngei beitirate.

Arnaud Etxebarne:

: Laborantxa / Üngüramena; 2022 Abuztua 12; Agerraldiak: 1158

Barkoxeko laborariak eta ekoizleak aitzinean jarri nahi dütü Barkoxe bizik !

Barkoxe bizi alkarteak « astebürü baserritarra » izeneko egünaldiak antolatzen dütü agorrilaren 12 eta 13an.

Ostirale gaüez Coralie Artano-k bere tesia presentatüko dü. Laborari mündüan jakitaten transmizioneaz eztabaidatzeko parada badate.

Neskenegünean aldiz Barkoxeko karrika eta Maidalenako kartielan kurritüko zide, barrikada gisako ebilaldi batetan. Ahalaz bizikletaz kurritzea aholkatürik zaizüe.

Eküragüne bakotxean leküko laborariak, haien ekoizpenak bena ere kümitak : izan Buru Beltza alkartea, Andere Nahia edo orano Sauve qui Poule kolektiboa.

Egünaldia plazan ürrentüko da 7ak30tan herriko dantzariak, burger eta ardoarekilan.

Izena aitzinetik eman behar da izan egünaldiarentako edo gaüaldiarentako. Barrikadentako 5euroko lagüntza galteginik izanen da.

Pollo Pinque:

: Laborantxa / Üngüramena; 2022 Uztaila 26; Agerraldiak: 1066

« Décolonisons l’écologie » dokümentala Barkoxen

Martinika eta Guadelupan bananatze lantaketetan baliatürik zen chlordécone pestizida-z dokümentala Barkoxen.

Orai debekatürik den chlordécone horrek , animaleko arrenkürak ekarri dütü, bai lür eta hurrren kozatzean, bai eta ere bizizalen osagarrian.

Lotüra eginik da kolonizazioneari ere, bananatzeak Frantzialat exportatzeko lantatürik izan beitziren.

Dokümentalan pestizida horrekin lan egin züen laborantxa langilen, oraiko laborariak, militanteak, ikerlariak eta herritarren lekükotarzünak badira.

Hitzordüa Barkoxeko Txapelako eskola ohian gaüko 7ak 30 tan, ondotik janari parekatzea elhestatzez, Noémie Dijon dokümentalaren muntazalearekin.

Noémie Dijon:

: Laborantxa / Üngüramena; 2022 Abuztua 05; Agerraldiak: 1176

Nola sortü zen Axuria kooperatiba ?

Aste hontako HOSTOKADA emankizünean Michel Arhancet-ek Axuria kooperatibaren sortzea kuntatzen deikü ..

Maider Hoqui, Atharratzeko Michel Arhancet sorzaleetan zen laborari erretretatüarekin mintzatü da :

: Laborantxa / Üngüramena; 2022 Uztaila 11; Agerraldiak: 1144

Hur mentxan izanen gira üda hontan !

Igaran astean Eric Spitz prefetak alert jo dü : ebitea %30ez apalago dügü beste urteer kunparatüz.

Üdako ütürriak ez dira haziak izan negü idor eta elhür gutirengatik. Hartako igaran astehartean « idorte kontseilü » bat bildü dü prefetak arrenküer aurre egiteko.

Argiki üda hontako eta ondoko urteentako bada arrenküratzeko Allande Erreçarret hur ingeniararen ustez :

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

Xaramela gaüaldia Barkoxen

2024 Azaroa 21Kultura

Düala 3 urte Xiberoko botzak bere kantore xaramela edo libürüxka berritü züan. Pastoral eta maskaradetan elki kantore berriak eta xiberotar taldek mudan ezarri dütüen kantorekin ab...

Indüstriaren egüna igaran da Maulen

2024 Azaroa 21Ekonomia / Turismoa

600 ikasleek xiberoko indüstrien bisita egin düe. Indütstrian ez da aisa gazteen atzamaitea, lan bidea üsü mespresatürik beita. Horrentako, 13. aldikoz Frantzia mailan indüstriare...

Eüskaraz erri egiteko gaüaldia Maulen

2024 Azaroa 21Kultura

Ion Martinez « txiki »-k one man show batetarat kümitatzen zütüe Maule Baithan azaroaren 22an. Badü 22 urte jadanik eüskaraz püblikoa erri eginarazten düala eta aldi hontan bere az...