5000 axuri Egüberriz eta 2500 Urtatsez, hala nula joan den urte ondarreko merkatüa Xiberoko Axuria koperatiban ! Arrazu esberdinengatik, axuriaren prezioa doi bat apalago pakatürik izan da, 3,90 euro kiloan güti gora behera; prezio orokorra urte ondarrean eginen delarik. Egüberriz axuri haboroxenak Espainalat joan dira eta orai hasiko da Frantziako merkatüa, bazkoz izanen delarik merkatü nausia. 30 000 axuri saldü behar lizate 6 hilabetez. Gogoeta bat eramanik da koperatiban ikusteko nola axurkia proposatzen ahal lizatean urte osoan, izoztürik edo kozinatürik. Pierre Urruty :

Donapaleun, Safer-aren batzorde teknikoa bildü zen iragan ostegün goiz hontan eta bere ikus moldea eman züan, azken asteetan, eztabada ekarri züan bi dozieretaz! Hendaiako Legarraldea etxalteko lürrak, Hendaiako herriko etxeak düan proiektoarentzat emaitea erabaki da, kalitatezko laborantxa eta zirkuitu labürren indartzeko. Altzürüküko Coyos etxalteko lürrak aldiz joanen dira herri hortako gazte baten instalatzeko, baratzegintzako beste proiektoarentzat lürra ez delakoz huna, Saferaren ustez, botxüa edo harritxü delakoz. Erabaki da ere beste lürrik atzamaitea baratzegintzako beste proiektoarentzat. Erabaki hau orai baieztatü behar dü Akitaniako Saferaren batzordeak . Jean Claude St-Jean Safer-ako kidea :

Xiberoan 3 yaourt egile badira, bakar batek dütü BIO egiten; Larrabileko Zabalainia etxalteko Maider Uthurry Davant'ek. Igan urtean instalatürik, eznea bestelakatzen eta balio haborokin bat ekarteko abiatü zen. Yaourt soila, erreximentazkoa ala landare irakirizkoa eskeintzen dütü; orotarat 7 gusta ezbardinetakoa. Maider Uthurry:

Bortükaren sasua, Iratiko turisma günearena edo ere ihizeka sasua aipatü dira nausiki, Xiberoko bortü sindikatearen azken bilküran. Aphaltze ttipi bat balinbada ere, aurten, 232 laborariek kabaleak eraman dütüe bortüalat eta 43 etxoletan artzainak baziren , bortüko gazna egiteko galtoa ere emendatzen ari da. Iratiko turisma günea ontsa doa eta etxolak bakantzetan beterik dira. Elhür eskasari eta aize azkarrari bürü egiteko, Irati, raketa egiteko güne bezala ezagütürik izan behar lüke ondoko urteetan. Azkenik, ihizekariak gütitzen balindira larrazkenean, beste motako bakantzatiarrak badira, bortüa gozatü nahi düena beste manera batez. Hartza ere aipatürik izan da, Uztarroze eskualdean da laxatürik izan den bat eta horrek artzainak arrenküratzen dütü. Jacques Barreix Sindikatako presidenta :