Oranokoan urte gaitza düe urzoka, lanoa berant altxatzen beita eta ürzoak gora igaiten beitira! Halere, azken urteetan bezala, Iparraldean, Napaleko saretegian düe ürzo haboroena bildü. Ostegün goizan Patrik Loustau Napaleko 'persidenta'rengana joan gira:

Axuria kooperatifak bere tresna berria presentatü dü bere parteilanteer 114 parteilant behikian eta 202 axurkian , horietarik 100 bat hor ziren Axuria kooperatifaren Sohutako eraikuntza berriaren bijitatzeko. Bere aktibitate nausia baratzen da pirineotako axuriaren saltzea. 28 000 axuri urtean 35 000tarat heltzea due helbürüa 5 urteen barne Ostiralean egin da kooperatifaren biltzar nausia eta parada hortan Battitta Baqué züzendari berria presentatü da Peio Quihillalt presidenta:

2017-ko apirila 14 eta 21 ean, Uhartiako ahate sanoen ehaitea trabatzeaz aküsatürik dira, Panpi Sainte Marie ELB sindikatako boz eramailea eta Cathy Chabalgoity ahate hazlea. Auzia baliatü nahi düe salhatzeko hegazti griparen krisiaren eramaiteko manera oso txarra eta xerbütxü beterinarioen errespunsabilitatea eritarsünaren barreatzean. Auzian beste hiru leküko entzünen dira, Michel Etxebest Mauleko aüzapeza, Laurent Pinatel Confédération Paysanne sindikatako idazkari nausia eta Périco Légasse kasetalaria. Auzia azaroaren 5ean Paueko auzitegian arrestiko 14:00etan. Panpi Sainte Marie ELBko boz eramailea :

"Etxe gazna" Xiberoko Zalgizeko gaznategiak 30 000 euro bildü dütü bere crowfouding kanpanari esker. Xiberotarrak partikülarzki honki dütüe beren xedearekin, bena oroetarik jin zaüe bardin lagüntza hori. Ekarpen honi esker gaznategiaren geroa segürtatürik da, nahiz eta parteilantek ere indar bat egin beharko düen Orai, helbürüa da dagün martxoko prestik izatera, gazna egile berrier batzarriaren egiteko, eta beharrezkoa den gazna sartzeen emendatze baten ukeiteko. Bettan Hoquy: