Orai da früta hau haboroenik sukratürik eta hoberena. Bitaminaz beterik, früta honek arrakasta geroago eta handiagoa dü, jakitez iranja beno aberatsagoa dela alde hortarik. Xiberoan ere kiwi alorrak badira. Badira biga Pettarran eta beste bat Basabürüan, Lexantzün. Han karru gütixeago da eta ontsa da kiwiaren jinarazteko. Hortarako, Libilbehety familia ekoizte hortan abiatü zen, düala 30 urte. Marie Claire Libilbehety :

Xiberoa-Herri Alkargoak 2016an, Etxebarreko ‘Hollia’ laborari etxaltea erosi ondoan, ‘Trebatu' izeneko alkarteak dü orai hor laborantxan plantatze esprabü bat joanarazten. Urte batez, laborantxan lan egiten ahal dateke etxalde horren lürretan, lürrak eta bekanikak perestatürik izanen beizaitzo haütatürik izanen denari. Ondotik, nahi badü, eta ontsa joanarazten badü afera, jarraikitzen ahal düke orozbakoz. Baldintza hanitx badira prefosta, eta horien artean Xiberoko laborari talde batekbere lagüngoa ekarriko dü, beharra balin bada ja. Antoladüra süerte hori Frantzia osoan proposatzen da Reneta izeneko sarean sartzen beita. Eüskal Herrian berean, holako bost egingei plantatü dira jadanik, horien artean bigerren bat Xiberoan, hots Sarrikotapean plantatürik diren bi baratzezainekila. Alex-Anne Thomas ‘Trebatu' alkarteko langilea:

Lurzaindia alkartea Arrokiagako etxalte baten erosteko kanpaina berri bat egiten ari denez, aste ondar hontan süstengü egünaldi bat igaran da, Ozazen. Bazkarian jente izan da, filmak eztabada sortu dü eta kontzertüek arrakasta üken düe. Egün horrez baliatü gira bere etxaltearen erosteko gisan lagüntürik izan den laborari baten ezagütza egiteko. ‘Lurzaindia' beno lehen GFA izeneko alkarte bat bazen eta 2008an laguntu züan Frederic Larrañaga plantatzen Ainharbeko ‘Kakoa' etxaltean. Plantatze hartarik abantxü 10 urte igaranik, etxalte honen berri hartu dügü. Frederic Larrañaga, 'Kakoa' etxaltekoa :

Bigerren aldikoz, Ozazeko patxoki alkarteak Lür zaindia alkarteari ekarriko deio bere süstengüa. Iragan urtean hasi zen bere süstengiaren ekarten, Ainarben saltzeko zen etxalte baten kari. Aurten ber ürratsari jerraikiz, berriz ere lagüntza ekarten deio. Aldi hontan Arrokigan lür zonbaiten erosteko xedea beitüe . Azaroaren 11a hontan da egüna finkatürik. Hitzordüa egüerdiko emana da bazkari batentako. Arrestiko lauetan aldiz, filma dokümental bat date hedatürik “La terre vaut de l’or “ deitzen dena, Creuse eskualdeko laborari zonbaiten borroka dü aipatzen. Ülüntzeko 7etarik goiti aldiz, kontzertüak dirate, Tefalo, Ozabri eta Xiberoots ekin. DJ Flopek gaüaldia ürrentüko dü. Bazkariaren parte hartzeko, hobe izenen emaitea deitüz: 06 78 87 09 35 Alkarteko Joel Arla :