Axuria koperatibak formakuntza bat proposatzen dü 2 egunez,dagün astelehen eta asteartean (26 eta 27an), "nola hazi behi xahaldünak" gaiaz. Ikusiko da bereziki nola egin behar den kalitate honeko xahalen elkitzeko ; sail hortan berezitürik den Francis Rousseau jinen da aholküen emaitera. Kalitate honeko aragi baten elkitzeko xedea da eta hortara heltzeko formakuntza zabaltzen da hazle güzier . Parte hartzeko behar da deitu Axuria koperatibako Battitta Baqué 0668930747.

Pirinio bortüetako arraza bazter ützirik izan zen behi gorriaren ezarteko eta orai hazleak ohartzen dira berriz gibel joan behar dela. Arrazu bat beno haboro eman da biltzar nausian: Pirenaikaren kalitate nausia da zaila edo azkarra dela, mendian lüzaz egoiten dela eta fres gütiago badela hazteko. Bestalde, merkatü bat zabaltzen ari da aragiarentako eta Xiberoko Axuria kooperatibak sail hori eramaiten dü. Pirenaika alkartea sortü zen düala urte bat eta hontan13 laborari dira oranokoan. Orotara, 150 bat behi da hazten Ipar Eüskal Herrian . Alkartearen lan sail handiena da merkatüaren ikertzea eta teknikaren gaintitik laborarien lagüntzea beren behi taldeen eramaiten. Pierre Diharce Domintxineko laboraria :

Elb laborari sindikateko gazteek 3. hitzordü bat emaiten düe, aldi hontan Xiberoan Atarratzen, barantailaren 22 an. Bilküra horien helbürüa da algar ezagützea eta beren arrenkürak partekatzea. Saran lürra, eta Donaistin transmizioa aipatürik izan ziren, Xiberoan haütatü den eztabada geia da bortüa, lekukotarzünak izanen dira, bortü sindikat, artzain eta beste… Hitzordüa, Atarratzen, Prefosta ostatüan, barantaila 22an, ostegünean gaüko 9etan. Benoit Thauzin, Erramun Etxekopar eta Bettan Hoqui ELB gazte-ko kideak :

Kimikoak diren ekoizkinen emeki emeki bazter üzteko, Bio-Elkibideen eskentza zabaltü nahi dü Mendikoa kooperatibak, laborariek eta kontsümizaleek geroago eta haboro hori galdegiten beitüe. Hortaz bere nahiküntea erakutsi dü berriki egin düan biltzar nausian. Biltzarrean 2017ko ondorioztatzeak egin dira ere. Orotara, 22 millioi euroren heineko salmentak egin dütü Mendikoak, lehenagoko urteari konparatzez emendatze ttipi bat badelarik, eta ondorioz 245.000 euro partekatü ahal izan dütü partxuerren artean. Miliu bat euroren heineko sos-sartzea egin dü, bere salgünen eta tresnerien berritzeko. Halaber eginen dü aurten, Baigorriko salgia eta egoitzetan. Biltzar nausiaren bildüma Jean Bernard Luro Mendikoako bürüarekin: